23 դեկտեմբերի 2024թ․
8 պատճառ 2025թ․ Դուբայ այցելության համար
Դուբայը պատրաստվում է 2025 թվականին հիացնել հյուրերին նոր հյուրանոցներով, հետաքրքիր իրադարձություններով, ընտանեկան ժամանցով և գաստրոնոմիական բացահայտումներով՝ մնալով աշխարհի ամենապահանջված զբոսաշրջային ուղղություններից մեկը: Ձեզ ենք ներկայացնում 8 պատճառ, թե ինչու է Դուբայն արժանի պատվավոր տեղ զբաղեցնելцг հաջորդ տարվա ճանապարհորդությունների ցանկում:
1. Դուբայը իդեալական հանգստի վայր է տարվա ցանկացած եղանակին
Դուբայումհոկտեմբերից ապրիլ ընկած ձմեռային շրջանն առաջարկում է տաք եղանակ, բացօթյա ավելի շատ ժամանակ անցկացնելու հնարավորություն, ժամանցի բազմազանություն և փառատոների ու միջոցառումների հարուստ ծրագիր: Ամառային ամիսներին հյուրանոցներն ու տեսարժան վայրերը առաջարկում են մատչելի պայմաններ և հատուկ ակցիաներ՝ որպես Դուբայի ամառային անակնկալներ (Dubai Summer Surprises) գնումների փառատոնի մի մաս, որը տևում է 2025 թվականի հունիսի 27-ից մինչև օգոստոսի 31-ը:
2. Լեգենդար տեսարժան վայրերի քաղաք
Դուբայը իրավամբ համարվում է յուրահատուկ, աչքի ընկնողճարտարապետությամբև եզակի տեսարժան վայրերով քաղաք: Քաղաքի ժամանակակից խորհրդանիշներից են լեգենդար Բուրջ Խալիֆա երկնաքերը, Ջումեյրա Բուրջ Ալ Արաբ հյուրանոցը, Ապագայի ֆուտուրիստական թանգարանը և շքեղ Ատլանտիս Ռոյալը հյուրանոցը Փալմ Ջումեյրայի վրա: Պատմության սիրահարները կգնահատեն Հին Դուբայի հմայքը՝ Դուբայ Քրիք և Ալ Ֆահիդի շրջանները: Գնումների սիրահարները հաճույք կստանան՝ գնումներ կատարելով համաշխարհային մակարդակի առևտրի կենտրոններից, ինչպիսիք են Դուբայ Մոլը կամ Էմիրաթների մոլը, ինչպես նաև ավանդական կոլորիտային շուկաները: Մշակութային իրադարձությունների գիտակները կկարողանան ներկա գտնվել արվեստագետների ելույթներին քաղաքի լավագույն վայրերում՝ Դուբայի Օպերայում և Կոկա-Կոլա Արենայում:
3. Հարուստ մշակութային ավանդույթներ
Դուբայի ավանդույթները ավելի լավ ճանաչելու համար հարկավոր է այցելել պատմական Ալ Ֆահիդի թաղամասում գտնվող Շեյխ Մուհամեդի մշակութային փոխըմբռնման կենտրոնըSheikh Mohammed Centre for Cultural Understanding (SMCCU): Այստեղ դուք կարող եք ավելի լավ ծանոթանալ տեղի պատմությանն ու ավանդույթներին, ինչպես նաև համտեսել էմիրաթական խոհանոցը: Դուբայի թանգարաններն առաջարկում են մի շարք մշակութային միջոցառումներ՝ կապված քաղաքի պատմության, առևտրի, մարգարիտների և բեդվինների կյանքի հետ:Ալ Շինդաղաթանգարանն օգտագործում է մուլտիմեդիա տեխնոլոգիաներ՝ պատմելու այցելուներին, թե ինչպես է քաղաքը զարգացել դարերի ընթացքում, իսկ թանգարանի տոմսը հնարավորություն է տալիս մուտք գործել Շեյխ Սայիդ Ալ Մաքթումի տուն՝ Դուբայի իշխող ընտանիքի նախկին նստավայրը: Դուբայի մշակույթը զգալու մեկ այլ հայտնի միջոց է անապատային արկածների գնալըAl Marmuumարգելոց՝ ընկղմվելու անցյալի մթնոլորտում, ծանոթանալու բեդվինների կենսակերպին և զգալու ձեզ այս տարածքների առաջին բնակիչների բնակավայրում։
4. Քաղաքի գաստրոնոմիական պատկերի բազմազանությունը
Դուբայում, որտեղ արդեն կա ավելի քան 13000 ռեստորան և սրճարան, ամեն տարի հայտնվում են նոր յուրահատուկ կոնցեպտներով հաստատություններ։ 2025-ին բացվող ամենասպասված ռեստորաններն են CARBONE-ը Ատլանտիս Ռոյալում և KIRA-ն Ջումեյրա Մարսա Ալ Արաբում: Դուբայը նաև հայտնի է միջազգային մրցանակակիր ռեստորաններով․ 2024 թվականին թողարկվածMICHELINDubai Guide-ի երրորդ հրատարակությունը ներկայացնում է 106 հաստատություն, որոնք մատուցում են 35 տարբեր խոհանոցների ուտեստներ: Չորս ռեստորաններ արժանացել են երկու աստղի՝ Row on 45 (հեղինակային խոհանոց), Il Ristorante-Niko Romito (իտալական խոհանոց), STAY by Yannick Alléno (ֆրանսիական խոհանոց) և Trèsind Studio (հնդկական խոհանոց): Եվս 15 ռեստորան ստացել է մեկ աստղ, երեքը ստացել են կանաչ աստղեր կայունության համար, 18-ը ստացել են Bib Gourmand-ը և 69-ը ներառվել են MICHELIN-ի հավակնորդների ցանկում: Առաջին անգամ MICHELIN աստղ ստացող նորեկները ներառում են La Dame de Pic Dubai (ժամանակակից ֆրանսիական խոհանոց), Sagetsu by Tetsuya Wakuda (ժամանակակից ճապոնական խոհանոց) և Smoked Room (ժամանակակից խոհանոց): Միջազգային հարթակում Դուբայի ռեստորանները նույնպես ուշադրության կենտրոնում են։ Աշխարհի 50 լավագույն ռեստորանների վերջին վարկանիշում Trèsind Studio-ն զբաղեցրել է 13-րդ տեղը, մինչդեռ Orfali Bros-ը (Մերձավոր Արևելյան խոհանոց) ընդլայնված ցուցակում զբաղեցրել է 64-րդ տեղը:
5. Լավագույն լողափերը և լողափնյա ակումբները
Դուբայը, որը գտնվում է Արաբական ծոցի ափին,ծովափնյա հանգստիլայն հնարավորություններ է առաջարկում: Հանրաճանաչ հանրային լողափերի շարքում հարկ է առանձնացնել Ում Սուքեյմ շրջանում գտնվող Kite Beach-ը, որն իդեալական է ընտանիքների և ակտիվ ապրելակերպի սիրահարների համար: Al Mamzar Beach Park-ը այցելուներին գրավում է իր հինգ մաքուր լողափերով և երեք հիասքանչ լողավազաններով, մինչդեռ Jumeirah Public Beach-ըԴուբայի այն քիչ վայրերից է, որտեղ կարելի է լողալ ոչ միայն ցերեկը, այլև գիշերը:
Նոր տպավորիչ նախագիծ էJ1 Beachլողափի շքեղ համալիրը Jumeirah 1-ում՝ պրեմիում դասի ռեստորաններով և ժամանցի վայրերով: Դրանց թվում են աֆրիկյան թագուհին՝ ֆրանսիական Ռիվիերայի մթնոլորտով, Almayass by the Sea լիբանանա-հայկական խոհանոցով, արևելյան ասիական Bâoli, ֆրանսիական Chouchou, իտալական Gigi Rigolatto, մեքսիկական GITANO, ասիական-պոլինեզական Kaimana Beach, իտալական La Baia by The Beach, Իսպանիա-Միջերկրական LÚNICO, Մերձավոր Արևելյան և Հյուսիսային Աֆրիկա Ninive Beach, Միջերկրական-ասիական Sakhalin և հունա-միջերկրածովյան Sirene Beach by GAIA: 2025 թվականինZuma Dubai Beachhouse-ը կմիանա Դուբայի ծովափնյա տեսարանին՝ լեգենդար Zuma-ի առաջին ծովափնյա նախագծին:
6. Ճանապարհորդություն Հին Դուբայով
Հին Դուբայըքաղաքի ամենակարևոր պատմական վայրերից մեկն է, որը թույլ է տալիս հետ հայացք գցել դեպի անցյալը և այն, թե ինչպիսին էր կյանքը առևտրի դարաշրջանում, երբ Դուբայ Քրիքը քաղաքի գլխավոր զարկերակն էր: Հիմնական վայրերից մեկը Բուր Դուբայի պատմականԱլ Ֆահիդիթաղամասն է, որը հայտնի է օդափոխվող աշտարակներով, նեղ փողոցներով և գողտրիկ բակերով ավանդական տներով, որոնցից յուրաքանչյուրը պատմում է իր պատմությունը, ասես տեղափոխվել է Դուբայի կառուցման ժամանակաշրջան: 2025 թվականին նախատեսվում է քաղաքի ամենահին շենքի՝ Ալ Ֆահիդի ամրոցի, ինչպես նաև Դուբայի թանգարանի երկար սպասված բացումը։
Տեքստիլի, համեմունքների, ոսկու և օծանելիքի ավանդականշուկաներըառաջարկում են իրենց համը. խանութների վառ ցուցափեղկերը, արևելյան համեմունքների բույրերը և աշխույժ մթնոլորտը ընկղմում են ձեզ արաբական մշակույթի աշխարհում: Այստեղ դուք կարող եք գտնել անսովոր հուշանվերներ և նույնիսկ սակարկել, քանի որ սակարկությունը ավանդական գնումների անբաժանելի մասն է, որն էլ ավելի հիշարժան կդարձնի շուկաներ այցելելը:
7. Բազմաթիվ փառատոների քաղաք
Ողջ տարվա ընթացքում Դուբայն ուրախացնում է բնակիչներին և այցելուներին փառատոների և միջոցառումների հարուստ ծրագրով: 2025-ի հիմնական իրադարձությունները ներառում են Դուբայի սպորտի և խաղերի փառատոնը (ապրիլի 25 – մայիսի 11), Դուբայի ամառային անակնկալները (27 հունիսի – օգոստոսի 31), Դուբայի ֆիթնես մարտահրավերը (1–30 նոյեմբերի) և Ձմեռային գնումների փառատոնը (դեկտեմբեր 2025): – 2026 թվականի հունվար):Դուբայի օրացույցիպաշտոնական հարթակը ամեն տարի ներկայացնում է ավելի քան 1200 իրադարձություն՝ ընդգրկելով արվեստը, մշակույթը, ժամանցը և սպորտը:
8. Համերգներ և դիտարժան շոուներ
2025 թվականին երաժշտության և դիտարժան շոուների սիրահարների համար Դուբայը կառաջարկի հարուստ ծրագիր։ Քաղաքի բեմերում հանդես կգան Green Day և The Corrs կուլտային խմբերը։ Դուբայի օպերայում տեղի կունենա InClassica 14-րդ միջազգային երաժշտական փառատոնը, ինչպես նաև Դուբայի կատակերգության փառատոնը: Coca-Cola Arena-ն կդառնա Snow Queen-ի և Frozen Love-ի տպավորիչ սառցե շոուների վայր:
Լրացուցիչ տեղեկությունների համար այցելեքwww.visitdubai.com:
Լուսանկարները կարելի է ներբեռնել՝ անցնելով ստորև հղումով.
https://drive.google.com/drive/folders/1eXivk8L4npVY697clS55sdgpiWH4CiBr?usp=sharing
Դուբայի էկոնոմիկայի և զբոսաշրջության դեպարտամենտի (DET) մասին
Դուբայի էկոնոմիկայի և զբոսաշրջության դեպարտամենտը (DET) նպատակ ունի աջակցելու կառավարությանը՝ համաշխարհային տնտեսության և զբոսաշրջության ոլորտում էմիրությունների մրցունակության բարձրացման գործում, աջակցելու Դուբայի դիրքավորմանը՝ որպես համաշխարհային առաջատար առևտրային կենտրոն, ներդրումային հանգույց և զբոսաշրջության ուղղություն: Այս առաքելության շրջանակներում, DET-ն ուղղում է բոլոր ջանքերը` հետագայում զարգացնելու Դուբայի` դիվերսիֆիկացված, նորարարական և ծառայությունների վրա հիմնված տնտեսությունը, որը նպատակ ունի ներգրավելու աշխարհի լավագույն տաղանդներին և արագացնելու արտադրողականության աճը: Բացի այդ, DET-ն աջակցում է Դուբայի՝ որպես ապրելու և աշխատելու համար աշխարհի լավագույն քաղաքի տեսլականին՝ խթանելով այն և կյանքի գերազանց որակը այնտեղ:
Դուբայի էկոնոմիկայի և զբոսաշրջության դոպարտամենտը ակտիվորեն աշխատում է համաշխարհային տնտեսական ասպարեզում և զբոսաշրջության ոլորտում էմիրության մրցունակության բարելավման ուղղությամբ: Դեպարտամենտը պարտավորվում է ապահովել, որ Դուբայը դառնա աշխարհի առաջատար առևտրային կենտրոններից մեկը և գրավիչ ուղղություն ներդրումների և զբոսաշրջության համար: Գերատեսչության աշխատանքը ներառում է կառավարությանն աջալցություն էմիրության տնտեսական զարգացման և զբոսաշրջության հարցերում: Սա օգնում է ամրապնդել Դուբայի դիրքերը համաշխարհային շուկայում և ներգրավել ավելի շատ ներդրումներ: Դեպարտամենտը նաև ակտիվորեն աջակցում է էմիրության զբոսաշրջության զարգացմանը՝ խթանելով զբոսաշրջության հնարավորությունների բազմազանությունը, յուրահատուկ ապրելակերպը և կյանքի ընդհանուր որակի բարձր մակարդակը:
DET-ը հանդիսանում է Դուբայի բիզնեսի և զբոսաշրջության ոլորտների պլանավորման, վերահսկման, զարգացման և մարքեթինգի համար պատասխանատու գործակալություն: Այն նաև պատասխանատու է բոլոր տեսակի բիզնեսների լիցենզավորման և դասակարգման համար, ներառյալ հյուրանոցները, տուրօպերատորները և տուրիստական գործակալները: DET-ի պորտֆելը ներառում է` Դուբայի զբոսաշրջության և կոմերցիոն մարքեթինգի կորպորացիան, Դուբայի փառատոնները և մանրածախ առևտուրը, Դուբայի արդյունաբերությունը և արտահանումը, Դուբայի զարգացման ներդրումային գործակալությունը (Dubai FDI) և Դուբայի ՓՄՁ-ները, ինչպես նաև Դուբայի զբոսաշրջության քոլեջը, Դուբայի օրացույցը և Դուբայի բիզնես իրադարձությունները:
__________________
Լրացուցիչ տեղեկությունների համար խնդրում ենք կապ հաստատել`
Ռուսաստանում և ԱՊՀ երկրներում Դուբայի զբոսաշրջության մամուլի ծառայություն Dubai@rosecreative.marketing
