«Պատվարժան դատարան, դուք համոզված եք, որ ես անմեղ եմ, բայց այստեղ շատերը համոզված են, որ դուք մեղավորության վերդիկտ եք տալու: Հիմա կանգնած եք այդ ճանապարհի առաջ. մեկը՝ ձախ, մեկը՝ աջ: Կգնաք ձախ՝ կստանաք ժամանակավոր բարիքներ այսօրվա հանցագործ իշխանությունների կողմից, գովասանքներ և հավիտենական դատապարտություն, կգնաք աջ՝ կստանաք ժամանակավոր դժվարություններ, բայց հավիտենական արդարացում: Ձեր օգուտը դուք գիտեք»,- իր խոսքում նշեց Շիրակի թեմի առաջնորդ Միքայել արքեպիսկոպոս Աջապահյանը և, դիմելով ժողովրդին, ասաց. «Ինձ համար լրիվ մեկ է: Ես բանտում այնքան հնարավորություն ունեցա խոսել Աստծո և ինքս ինձ հետ: Ինձ համար մի՛ մտածեք, մի՛ տրտմեք, ժողովուրդ ջան, ես բանտի անազատության մեջ էլ ազատ եմ»: