«Սոցիոլոգիական հարցումները ցույց են տալիս, որ ՔՊ-ի վարկանիշը ցածր է, ինչպե՞ս եք գնահատում ընտրություններում ձեր շանսերը։ Երբեմն ընդդիմադիրները առաջարկում են, որ հրաժարական տաք և մինչև արտահերթ ընտրություններ ձեր շարքերից ընտրեք ժամանակավոր կառավարության ղեկավար, կա՞ ձեր թիմում նման վստահելի անձ»,- ճեպազրույցին այս հարցն ուղղվեց վարչապետ Նիկոլ Փաշինյանին, ով ի պատասխան ասաց, որ սոցիոլոգիական հարցումները 2021-ից առաջ էլ նույնքան տխուր էին, թեպետ իրականությունն այլ է․ «Իսկ մեր թիմում կան բազմաթիվ վարչապետի թեկնածուներ, այդ թեկնածուներից, իմ գնահատմամբ, 5-6 ֆավորիտներ կան, բայց ընդդիմության դրդմա՞մբ պիտի ես մեր թիմին գնահատեմ, ոչ ամենևին, ես մեր թիմին գնահատում եմ բարձր»,- ասաց Փաշինյանը։