Արարատի մարզպետի տեղակալ Արտավազդ Նազարեթյանը ՏԿԵ նախարարի տեղակալ Ավետիք Դարբինյանի և Վեդի համայնքի ղեկավար Գարիկ Սարգսյանի հետ հետևել է Վանաշեն-Այգավան-Եղեգնավան մարզային նշանակության ճանապարհի հիմնանորոգման աշխատանքներին։
Ճանապարհը չէր վերանորոգվել խորհրդային տարիներից ի վեր։ 2,5 կմ երկարությամբ ճանապարհի հիմնանորոգումն իրականացվում է Կառավարության միջոցներով։
Տեղադրվել են եզրաքարերը, ջրահեռացման վաքեր, տեղադրվում է ավազակոպճային շերտ, խճավազային հիմք և երկշերտ ասֆալտբետոնե ծածկ, ճանապարհը կկահավորվի նաև անվտանգության էլեմենտներով։