Քաղաքականություն
15.09.2025 | 18:09
Բաթումիի օդանավակայում ձերբակալվել է Իսրայելի 35-ամյա քաղաքացի Սիմոն Լևիևը։ Նա ձերբակալվել է կիրակի օրը, և, ինչպես բացատրել է նրա փաստաբանը, ձերբակալման պատճառն անհայտ է, գրում է Эхо Кавказа-ն։ Վրաստանի ՆԳՆ-ն «Ազատություն» ռադիոկայանի վրացական ծառայությանը հայտնել է, որ Սիմոն Լևիևը հետախուզվում էր Ինտերպոլի «կարմիր ծանուցագրով» և ձերբակալվել է խաբեբայության համար ։ Լևիևի (հայտնի է նաև որպես Շիմոն Եհուդա Հայութ) մասին Netflix-ը 2022 թվականին նկարահանել է վավերագրական սերիալ՝ «The Tinder Swindler»-ը։
Նա տարիներ շարունակ ծանոթացել է տարբեր կանանց հետ Tinder առցանց ծանոթությունների հավելվածի միջոցով՝ ներկայանալով որպես ադամանդի մագնատ Լև Լևիևի ժառանգորդ։ Այնուհետև, օգտագործելով խարդախության տարբեր սխեմաներ, խաբեությամբ գումարներ է շորթել։
Թարգմանությունը՝ Էմմա Չոբանյանի