Գործընկերային, այլ ոչ թե մեծ եղբոր պես. ՀՀ նախագահը՝ ՌԴ-ի հետ հարաբերությունների մասին

by

https://arm.sputniknews.ru/20250912/gvortsynkerajin-ajl-voch-te-mets-eghbvor-pes-hh-nakhagahy-rd-i-het-haraberutjunneri-masin-93375190.html

media@sputniknews.com

+74956456601

MIA „Rossiya Segodnya“

2025

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.sputniknews.ru/img/07e9/05/1c/89479771_117:0:1538:1066_1920x0_80_0_0_e5d074e15301fc8c8b8a8b0e2eb1946e.jpg

Sputnik Արմենիա

media@sputniknews.com

+74956456601

MIA „Rossiya Segodnya“

վահագն խաչատուրյան, հայաստան, ռուսաստան

վահագն խաչատուրյան, հայաստան, ռուսաստան

10:00 12.09.2025 (Թարմացված է: 10:08 12.09.2025)
Բաժանորդագրվել

Խաչատուրյանը նշել է՝ Երևանում ցանկանում են, որ ռուս գործընկերները հաշվի առնեն ՀՀ իշխանությունների ինքնուրույն որոշումները։

ԵՐԵՎԱՆ, 11 սեպտեմբերի – Sputnik. Երևանի և Մոսկվայի միջև ներկայում ձևավորվել են գործընկերային հարաբերություններ, Հայաստանը դադարել է լինել Ռուսաստանի կրտսեր եղբայրը։ Այս մասին RTVI-ին տված հարցազրույցում հայտարարել է Հայաստանի նախագահ Վահագն Խաչատուրյանը:

«Հիմա բոլորովին այլ հարաբերություններ են Ռուսաստանի հետ՝ գործընկերային, իրապես գործընկերային հարաբերություններ… Ռուսաստանի վերաբերմունքը Հայաստանի նկատմամբ ոչ թե այնպես է, ինչպես մեծ և փոքր եղբայրների միջև, այլ ուղղակի գործընկերային հարաբերություններ են: Դրան մենք հասել ենք վերջին 4 տարիներին իրականում», – հայտարարել է Խաչատուրյանը։

Նրա խոսքով` Երևանում ցանկանում են, որ ռուս գործընկերները հաշվի առնեն ՀՀ իշխանությունների ինքնուրույն որոշումները:

Խաչատուրյանը կարծում է, որ «Հայաստանի իշխանությունն աշխատում է հայաստանցիների, Հայաստանի Հանրապետության բարեկեցության, բարգավաճման համար», ուստի ՀՀ կառավարությունը ինքը պետք է որոշի, թե ում հետ, ինչպես առևտուր անել, աշխատել, դիվանագիտական հարաբերություններ ունենալ:

Նախագահը խոստովանել է, որ Հայաստանը տնտեսապես կախված է Ռուսաստանից, սակայն կարծիք է հայտնել, որ Ռուսաստանն էլ իր հերթին է տնտեսապես կախված Հայաստանից:

Խաչատուրյանը մեկնաբանել է նաև Ռուսաստանի փոխվարչապետ Ալեքսեյ Օվերչուկի հայտարարությունը, որը գարնանը, խոսելով Եվրամիությանն անդամակցելու Հայաստանի մտադրության մասին, ասել էր, որ անհրաժեշտ կլինի ընտրություն կատարել ԵԱՏՄ-ի և ԵՄ-ի միջև, քանի որ «երկու աթոռի վրա նստել չի հաջողվի»:

Խաչատրյանի խոսքով՝ Հայաստանն ունի դիվերսիֆիկացված տնտեսություն։

«Օվերչուկին պետք է հարց տալ, թե դա ինչ է նշանակում… համենայնդեպս, հիմա մեզ ոչ ոք ոչինչ չի ասում, և մենք ոչինչ չենք խախտում», – ասել է ՀՀ նախագահը։

Նա հավաստիացրել է, որ առայժմ որևէ խնդիր չի առաջացել։

Հիշեցնենք` հունվարի 9-ին ՀՀ կառավարությունը հավանություն տվեց արևմտամետ ուժերի օրենսդրական նախաձեռնությանը՝ ԵՄ անդամակցության գործընթացի մեկնարկին։ ՀՀ վարչապետ Նիկոլ Փաշինյանը հայտարարեց, որ որոշումը բառի բուն իմաստով ԵՄ անդամակցություն չի նշանակում. անդամակցության հարցը պետք է որոշվի հանրաքվեով, մինչ այդ Հայաստանը դեռ որոշակի գործողությունների ճանապարհային քարտեզ պետք է մշակի։ Ավելի ուշ նա հայտարարեց, որ Հայաստանն իրեն վատ չի զգում ԵԱՏՄ-ում, շահագրգռված է Իրանի հետ մեր հարաբերությունները խորացնելու և զարգացնելու հարցում, սակայն մյուս կողմից չի կարող չնկատել ժողովրդի առնվազն որոշակի ու շատ շոշափելի հատվածների ձգտումները` ՀՀ ապագայի համար ձևավորել ընտրանքներ։

ԵԱՏՄ-ից Հայաստանի հնարավոր դուրս գալու հետևանքով երկրի ՀՆԱ-ն կկրի 30-40 տոկոսի կորուստ։ Երևանը ստիպված կլինի անցնել տարանցիկ բարդ շրջան, իսկ այլ միավորման, օրինակ՝ ԵՄ-ին միանալու ցանկության դեպքում վերակառուցել արդեն ձևավորված և գործող ինստիտուտները։ Բացառված չեն ԵԱՏՄ անդամ երկրների կողմից Հայաստանի նկատմամբ սահմանափակումները։

Արդյոք Հայաստանը պատրա՞ստ է կարիքի դեպքում ԵԱՏՄ-ԵՄ հնարավորինս փափուկ անցմանը

Leave a Comment