Հայաստանը Ռուսաստանի «կրտսեր եղբորից» վերածվել է գործընկերոջ, ասել է հանրապետության նախագահը։ Նա հավելել է, որ Երևանը հավատարիմ է ԵԱՏՄ-ի և ԵՄ-ի հետ կնքված համաձայնագրերին՝ չնայած Մոսկվայի հայտարարություններին այդ միությունների միավորման անհնարինության մասին։ Այս մասին նա ասել է RTVI-ին տված հարցազրույցում:
Նրա խոսքով՝ Երևանը ցանկանում է, որ Մոսկվան հաշվի առնի Հայաստանի իշխանությունների անկախ որոշումները։
«ՀՀ կառավարությունն աշխատում է Հայաստանի բնակիչների, հանրապետության բարեկեցության և բարգավաճման համար։ Դրա համար կառավարությունն ինքը պետք է որոշի, թե ում հետ և ինչպես աշխատել, առևտուր անել և դիվանագիտական հարաբերություններ կառուցել», – նշել է Խաչատուրյանը։
Նախագահը նաև արձագանքել է Ռուսաստանի փոխվարչապետ Ալեքսեյ Օվերչուկի խոսքերին, որը հայտարարել էր, որ Երևանը ստիպված կլինի ընտրություն կատարել Եվրասիական տնտեսական միության (ԵԱՏՄ) և Եվրամիության միջև, և հնարավոր չի լինի նստել երկու աթոռներին:
Օվերչուկի խոսքերին ի պատասխան՝ նախագահը նշել է, որ հանրապետությունը պահպանում է պայմանները ինչպես ԵԱՏՄ շրջանակներում, այնպես էլ Եվրամիության հետ հարաբերություններում, և մինչ օրս այդ ոլորտներում որևէ խնդիր չի առաջացել։
Հավելենք՝ ավելի վաղ, Նիկոլ Փաշինյանը հայտարարել էր, որ Երևանը մտադիր չի խզել կամ փչացնել հարաբերությունները Ռուսաստանի հետ: