Արագածոտնի թեմը հայտնում է՝ կնշվի Ափնա գյուղի Զորավոր Սուրբ Աստվածածին եկեղեցու օծման 3-րդ տարեդարձը․
«Սիրելինե՛ր, տեղեկացնում ենք ամենքիդ՝ սեպտեմբերի 14-ին Ափնա գյուղի Զորավոր Սուրբ Աստվածածին եկեղեցու օծման 3-րդ տարեդարձի առիթով, Ն.Ս.Օ.Տ.Տ Գարեգին Բ Ամենայն Հայոց Կաթողիկոսի Հայրապետական տնօրինությամբ և Արագածոտնի թեմի Առաջնորդ Գերաշնորհ Տեր Մկրտիչ եպիսկոպոս Պռոշյանի օրհնությամբ, Մայր Աթոռ Սուրբ Էջմիածնից Սուրբ Աստվածածին եկեղեցի կբերվի Հիսուս Քրիստոսի Խաչափայտի Մասունքը ու կմատուցվի Սուրբ և Անմահ Պատարագ, սկիզբը ժամը 10:00:
Սուրբ Պատարագը կմատուցի Արագածի հովվության հոգևոր հովիվ՝ Արժանապատիվ Տեր Մաղաքիա քահանա Գևորգյանը:
Արագածոտնի թեմը սիրով հրավիրում է ամենքիդ մասնակցելու Սուրբ Պատարագին և հաղորդակից դառնալու Սուրբ Մասունքի օրհնությանը:
Սուրբ Մասունքը եկեղեցում կմնա մինչև ժամը 16:00»: