«Միլանի» կիսապաշտպան Յասին Ադլին կարող է շարունակել իր կարիերան Սաուդյան Արաբիայում։
Foot Mercato-ի տվյալներով՝ «Ռոսոներիները» և «Ալ-Շաբաբը» մոտ են 25-ամյա ֆրանսիացի կիսապաշտպանի տրանսֆերի վերաբերյալ համաձայնության գալուն։
Ըստ աղբյուրի՝ ֆրանսիացուն առաջարկվել է երեք տարվա պայմանագիր՝ մրցաշրջանի ընթացքում 7 միլիոն եվրո աշխատավարձով, որը երեք անգամ ավելի է, քան նրա ներկայիս աշխատավարձը։
Նախորդ մրցաշրջանում ֆուտբոլիստը վարձավճարով պաշտպանել է «Ֆիորենտինայի» գույները։