Մոսկվան ակնկալում է, որ դիվերսիայի պատվիրատուների անունները կհրապարակվեն Բալթիկ ծովում 2022 թվականին «Հյուսիսային հոսք» գազատարների վրա տեղի ունեցած պայթյունների հետաքննության շրջանակներում, հայտարարել է Ռուսաստանի նախագահի մամուլի քարտուղար Դմիտրի Պեսկովը։
Պեսկովի խոսքով՝ Ռուսաստանը գոհ է, որ հետաքննությունը շարունակվում է։
«Կուզենայի հավատալ, որ այն կավարտվի, և որ կհայտարարվեն ոչ միայն կատարողները, այլև այդ ահաբեկչական գործողությունների պատվիրատուները», – ճեպազրույցի ժամանակ ասել է Կրեմլի խոսնակը։
Օգոստոսի 21-ին հայտնի դարձավ, որ Իտալիայում ձերբակալվել է «Հյուսիսային հոսք» գազատարի պայթյուններին հնարավոր մասնակցություն ունեցող անձ։ Պարզվեց, որ նա ուկրաինացի է՝ Սերգեյ Կուզնեցով անունով։