Արմինֆո. Հայաստանում դիտվում է համատարած անազատության իրավիճակ։ Այդ մասին օգոստոսի 26-ին լրագրողների հետ զրույցում հայտարարել է ԱԺ ընդդիմադիր “Պատիվ ունեմ” խմբակցության պատգամավոր Աննա Մկրտչյանը։
Նրա ասելով՝ այդ իրավիճակը վերաբերում է Հայաստանի յուրաքանչյուր քաղաքացու, քանի որ իշխանությունները ճնշման տակ նրան վախի են ենթարկում և դրանով իսկ փորձում են լռեցնել և խոչընդոտել երկրի հասարակական-քաղաքական կյանքում ներգրավվածությանը: “Դա ակնհայտ է, և այդ անազատությունը դրսևորվում է այն դատավարություններում, որոնց մենք ականատես ենք լինում ։ Մենք գործ ունենք իրեն վարկաբեկած իրավական համակարգի հետ, որոնք մոռանալով դիմում են խոշտանգումների, ծեծ ու ջարդի ՝ փորձելով լռեցնել երկրի քաղաքացիներին։ Մյուս կողմից՝ գործ ունենք Նիկոլի հետ, անհայրենիք մարդ, ով մաս-մաս վաճառում է երկրի տարածքի ցանկացած հատված։ Այդ իրավիճակում բոլոր նրանց նկատմամբ, ովքեր դեմ կգնան այդ սխեմային, բազմաթիվ քրեական գործեր կհարուցվեն”, – ընդգծել է խորհրդարանականը։
Այդ համատեքստում նա նշել է “Պատիվ ունեմ” դաշինքի առաջնորդ, ՀՀ երրորդ նախագահ Սերժ Սարգսյանի դեմ հարուցված քրեական գործը, որի քննությունը տեղի է ունենում օգոստոսի 26-ին Երևանի դատարանում: Մկրտչյանը նշել է, որ իշխանությունների կողմից կարված այս ամբողջ գործն այդ գործընթացի մի մասն է։ Ինչպես նշել է պատգամավորը, նախկինում հարուցված բոլոր գործերը միավորվել են մեկի մեջ, և դա արվում է, որպեսզի Սերժ Սարգսյանին թույլ չտան ակտիվորեն զբաղվել քաղաքական գործունեությամբ:
Հիշեցնենք, որ ավելի վաղ Հակակոռուպցիոն դատարանը հանդես էր եկել հաղորդագրությամբ, որում ՀՀ նախկին նախագահին մեղադրում էր առանձնապես խոշոր չափերի կաշառք ստանալու և ձեռնարկատիրական գործունեությանն ապօրինի մասնակցելու համար: