Մոլդովայի իշխանությունները պատժամիջոցների ցանկում են ներառել միակ մոլդովական ավիաընկերությանը՝ Fly One-ը, որը իրականացնում է չվերթեր Հայաստանից Ռուսաստան
ԵՐԵՎԱՆ, 26 օգոստոսի․/ԱՌԿԱ/․ Մոլդովայի իշխանությունները պատժամիջոցների ցանկում են ներառել միակ մոլդովական ավիաընկերությանը՝ Fly One-ը, որը իրականացնում է չվերթեր Հայաստանից Ռուսաստան, հաղորդում է ՏԱՍՍ-ը։
«Մոլդովայի անվտանգության և տեղեկատվության ծառայությունը Fly One ավիաընկերությունը ներառել է պատժամիջոցների ցանկում», – նշվում է «Официальный монитор» կառավարական հրատարակության մեջ։
Պատժամիջոցների ցանկում են ներառվել ոչ միայն Fly One SRL-ը, այլև ընկերության առանցքային դեմքերը, այդ թվում՝ Fly One Moldova-ի ղեկավար Վլադիմիր Չեբոտարը, որը նախկինում զբաղեցնում էր Մոլդովայի արդարադատության նախարարի պաշտոնը։
Փաստաթղթի համաձայն՝ պատժամիջոցները կապված են Դեմոկրատական կուսակցության նախկին առաջնորդ Վլադիմիր Պլախոտնյուկի գործունեության հետ, որը հուլիսին կալանավորվել էր Հունաստանում։
Չեբոտարը գլխավորում է Մոլդովայի ժամանակակից ժողովրդավարական կուսակցությունը, որը Դեմոկրատական կուսակցության իրավահաջորդն է։ Կուսակցության ղեկավարությունը դիմում է ներկայացրել Կենտրոնական ընտրական հանձնաժողովսեպտեմբերի 28-ին կայանալիք խորհրդարանական ընտրություններին մասնակցելու համար։
Fly One-ը մասնավոր ավիաընկերություն է՝ 12 ինքնաթիռից բաղկացած ավիապարկով։ Այն Մոլդովայի երկրորդ խոշորագույն ավիաընկերությունն է, որը հիմնադրվել է 2015 թվականին։