Քաղաքականություն
24.08.2025 | 12:42
Բաքվի «Սադարակ» առևտրի կենտրոնում խոշոր հրդեհ է բռնկվել։ Այս մասին հայտնում են ադրբեջանական լրատվամիջոցները։
Հրդեհը մարելու համար ներգրավվել են Արտակարգ իրավիճակների նախարարության պետական հրշեջ ծառայության և հատուկ ռիսկի փրկարար ծառայության ուժերը։ Ներկայումս շարունակվում են հրդեհի դեմ պայքարի աշխատանքները։
Նախնական տվյալներով՝ «Սադարակ» առևտրի կենտրոնում հրդեհը բռնկվել է մեկ պահեստում։
Բաքու քաղաքի Գարադաղի շրջանում գտնվող առևտրի կենտրոնում հրդեհի կապակցությամբ դեպքի վայր են մեկնել նաև ոստիկանության աշխատակիցները։