ՀՀ վարչապետի՝ ավիացիայի գծով նախկին խորհրդական Հակոբ Ճաղարյանը ֆեյսբուքյան իր էջում գրել է. «Արդեն հարցեր եմ ստանում տարբեր տեղերից:
Չգիտեմ, որևէ պաշտոնական տեղեկություն դեռ չկա:
Ըստ տեսանյութի՝ վթարը տեղի է ունեցել Հյուսիս-Հարավ ճանապարհի և Արշակունյաց պողոտայի խաչմերուկ-էստակադայի վրա:
Օդանավի շասիները բաց են, թևերի մեխանիզացիան նույնպես:
Չեմ բացառում, որ Դաշնամուրի գործարանից մինչև նշածս խաչմերուկն ընկած լայն հատվածը օդաչուն սխալմամբ ընդունել է որպես թռիչքուղի:
Կամ վթարային վայրէջք է կատարել:
Քաղաքի վրա կատարվող ուսումնական թռիչքների անթույլատրելիության մասին բարձրաձայնում եմ դեռևս 2019 թվից:
Վերջապես պիտի քաղաքի վրա ընկնի՞, մարդ զոհվի, ու ավերածություններ լինի՞, որ դադարեցվեն անտրամաբանական թռիչքները բնակավայրի վրայով:
Էրեբունի օդանավակայանը նախատեսված է 208″ թռիչքային (դեպի Մասիս քաղաք), և 28″ վայրէջքի (Մասիս քաղաքի կողմից) համար:
Քաղաքի վրա չկա պիլոտաժի զոնա:
Բայց համարյա ամենօրյա ռեժիմով ականատեսն ենք լինում հակառակ պատկերի:
Միգուցե հիմա՞ դադարեցվեն Երևանի և բնակչության համար վտանգավոր ցուցադրական թռիչքները»։