Ծառայությունից նաև տեղեկացնում են, որ ԼՂ-ից բռնի տեղահանված անձանց ՀՀ քաղաքացիության ստացման դիմումներ ընդունվում են ծառայության ավելի քան 40 հասցեներում
ԵՐԵՎԱՆ, 22 օգոստոսի․/ԱՌԿԱ/․ ՆԳՆ Միգրացիայի և քաղաքացիության ծառայությունը տեղեկացնում է, որ 2025 թվականի սեպտեմբերի 1-ից ԼՂ-ից բռնի տեղահանված և ժամանակավոր պաշտպանություն ստացած անձինք ազատվում են պետական տուրքի վճարից «Պետական տուրքի մասին» ՀՀ օրենքում 22․01․2025 թվականին կատարված փոփոխությունների արդյունքում»։
Ծառայությունից նաև տեղեկացնում են, որ ԼՂ-ից բռնի տեղահանված անձանց ՀՀ քաղաքացիության ստացման դիմումներ ընդունվում են ծառայության ավելի քան 40 հասցեներում․
– մարզերում՝ բոլոր ստորաբաժանումներում,
– Երևանում՝ Զաքյան 3 հասցեում գործող բաժնում,
– ծառայության գլխամասային գրասենյակում,
– ինչպես նաև ՆԳՆ սպասարկման գրասենյակներում՝ շրջիկ ձևաչափով։