Ալիեւը երեկ հայտարարել էր` «Մենք պետք է պատրաստ լինենք պատերազմի ցանկացած պահի, քանի որ աշխարհում իրադարձությունների ընթացքն այնպիսին է, որ անհնար է կանխատեսել, թե վաղը ինչ կլինի: Մենք ինքներս ենք մեր անվտանգության երաշխավորը»:
Այս հայտարարությունը նկատելի ռեակցիա է առաջացրել ինչպես ռուսական, այնպես էլ` իրանական փորձագիտական հանրության մոտ: Փորձագետները կարծում են, որ այն ուղղված է հենց Մոսկվայի եւ Թեհրանի դեմ: «Դա հստակ ակնարկ Ռուսաստանին և Իրանին, որ Իլհամ Ալիևը վերջին մի քանի տարիների ընթացքում կարողացել է բազմաթիվ կեղտոտ հնարքներ անել խորամանկորեն: Հատկապես այն պատճառով, որ Մեծ Բրիտանիան, որը տիրապետում է Ադրբեջանի բնական պաշարների մեծ մասին, ակտիվորեն դրդում է Ալիևին բախվել իր հյուսիսային և հարավային հարևանների հետ»,- գնահատել է հայտարարությւոնը փորձագետներից մեկը: