Մ. Վ. Լոմոնոսովի անվան Մոսկվայի պետական համալսարանի բժշկական գիտակրթական ինստիտուտի համալսարանական կլինիկայի տնօրեն, ուրոլոգ, ՌԴ ԳԱ ակադեմիկոս, պրոֆեսոր, բժշկական գիտությունների դոկտոր, Մ. Վ. Լոմոնոսովի անվան Մոսկվայի պետական համալսարանի ուրոլոգիայի և անդրոլոգիայի ամբիոնի վարիչ Արմայիս Քամալովը շնորհավորել է գործարար և ազգային բարերար Սամվել Կարապետյանին հոբելյանի առթիվ։
«Սիրելի՛ Սամվել, շնորհավորում եմ քեզ հոբելյանի կապակցությամբ։ Դու հայ ժողովրդի արժանավոր որդին ես, հրաշալի ընտանիքի հայր և հիանալի մարդ, ով վայելում է մեծ հեղինակություն և հարգանք է վաստակել աշխարհի շատ երկրներում բազմաթիվ մարդկանց շրջանում։
Այսօր, ցավոք, զրկված ենք Ձեզ անձամբ շնորհավորելու հնարավորությունից և մեր երախտագիտությունը հայտնելու բարեկամության և այն բոլոր բարի գործերի համար, որ դու կարողացել ես անել քո կյանքում։ Բացարձակապես վստահ եմ, որ, չնայած ստեղծված իրավիճակին, ճշմարտությունը կհաղթի, և դու կրկին կհայտնվես քո հարազատների և մտերիմների, քո ընկերների և համախոհների կողքին։
Եվ, ինչպես միշտ, դու կկարողանաս շարունակել քո ընտրած ճանապարհը և կյանքի կոչել դեռ շատ խորհրդանշական նախագծեր և աստվածահաճո գործեր՝ ի բարգավաճումն մեր Հայաստանի, հայ ժողովրդի և հայկական հավատի։ Թող այս փորձությունները միայն ավելի շատ ուժ և վստահություն հաղորդեն քեզ ապագայի նկատմամբ»,- ասվում է ակադեմիկոսի շնորհավորական ուղերձում։