Իրանի նախագահ Մասուդ Փեզեշքիանը երկօրյա պաշտոնական այցով ժամանեց Հայաստան։
Երևանի «Զվարթնոց» օդանավակայանում Իրանի նախագահին դիմավորել է ՀՀ փոխվարչապետ Մհեր Գրիգորյանը։
Նախօրեին տեղեկացրել էինք, որ Իրանի նախագահ Մասուդ Փեզեշքիանը հայտարարել է, որ իր առաջիկա այցերը Հայաստան և Բելառուս ուղղված կլինեն իրանական մասնավոր ընկերությունների դերի բարձրացմանը և ավելի վաղ ձեռք բերված պայմանավորվածությունների՝ մասնավորապես համատեղ ներդրումային նախագծերի առաջմղմանը: Փեզեշքիանն այդ հայտարարությունն արել է բարձրաստիճան պաշտոնյաների հետ հանդիպմանը, որը նվիրված է եղել Հայաստանի և Բելառուսի հետ Իրանի հարաբերությունների քննարկմանը:
Հիշեցնենք՝ օգոստոսի 19-ին Երևանում կանցկացվի գործարար համաժողով՝ Իրանի Իսլամական Հանրապետության նախագահ Մասուդ Փեզեշքիանի` օգոստոսի 18-21-ը Հայաստան նախատեսված այցի շրջանակներում։
Դիտումների քանակ2