17:39 14.08.2025 (Թարմացված է: 17:44 14.08.2025)
Բաժանորդագրվել
Նախագծի մշակման համար հիմք է հանդիսացել ԱՀԿ–ի կողմից մարդու առողջության համար վնասակար հիմնական աղտոտիչների վերանայված ցուցանիշները։
ԵՐԵՎԱՆ, 14 օգոստոսի – Sputnik. 2030 թվականից Հայաստանում կփոխվեն մթնոլորտային օդի որակի գնահատման չափանիշները։ Համապատասխան որոշումն ընդունվեց կառավարության նիստում ։
Որոշմամբ սահմանված է 389 քիմիական նյութերի համար կարճաժամկետ (20-30 րոպե) առավելագույն միանվագ և միջին օրական թույլատրելի կոնցենտրացիաների (ՄԹԿ) չափանիշներ, որոնք սակայն չեն կարող արտահայտել վնասակար նյութերի ազդեցությունը մարդու կամ բնական էկոհամակարգի վրա ինչպես կարճաժամկետ, այնպես էլ երկարաժամկետ առումներով։
Նախագծի մշակման համար հիմք է հանդիսացել նաև 2021 թվականին առողջապահության համաշխարհային կազմակերպության կողմից մարդու առողջության համար վնասակար հիմնական աղտոտիչների վերանայված ցուցանիշները։