ՀՀ վարչապետ Նիկոլ Փաշինյանի գլխավորած կառավարությունն այսօր՝ օգոստոսի 14-ին, անցկացնում է իր հերթական նիստը: Նիստի օրակարգում ընդգրկված է 51 հարց, որոնցից 48-ը չզեկուցվող է, 2-ը՝ զեկուցվող, 1-ը՝ գաղտնի։
Նշենք, որ նիստը վարում է փոխվարչապետ Տիգրան Խաչատրյանը, քանի որ վարչապետ Նիկոլ Փաշինյանը գտնվում է արձակուրդում։
Օրակարգում են, մասնավորապես, հետևյալ հարցերը.
Հանրության շրջանում առողջ ապրելակերպի խրախուսման և երթևեկության այլընտրանքային ձևերի խթանման միջոցառման իրականացման կարգը հաստատելու մասին ,
Որպես նվիրատվություն գույք ընդունելու և ամրացնելու մասին,
Փաստահավաք հանձնաժողովի գործունեության կարգը սահմանելու մասին,
Ֆուտբոլիստներ Ալբերտ Գագիկի Խաչումյանին, Կարեն Արթուրի Մելքոնյանին և Արսեն Միքայելի Սադոյանին շարքային կազմի պարտադիր զինվորական ծառայությունից ազատելու և այլ հարցերի մասին։