Այսօր գազամատակարարման պլանային դադարեցումներ են նախատեսված Երևանում, Վանաձորում, իսկ Սյունիքի մարզի մի շարք բնակավայրերում՝ օգոստոսի 13-ին և 14-ին
ԵՐԵՎԱՆ, 13 օգոստոսի․/Նովոստի-Արմենիա/․ Այսօր գազամատակարարման պլանային դադարեցումներ են նախատեսված Երևանում, Վանաձորում, Սյունիքի մարզի մի շարք բնակավայրերում՝ օգոստոսի 13-ին և 14-ին։ Հայտնում է «Գազպրոմ Արմենիա» ընկերությունը։
Վերատեղադրված գազատարները գործող գազատարների հետ ներմիացման աշխատանքներ իրականացնելու նպատակով՝ օգոստոսի 13-ին ժամը 09։30-19։00-ն, կդադարեցվի Երևանի Արաբկիր վարչական շրջանի Ավետիսյան փողոցի թիվ 74, 76, 78, 80, 97, 112, Համբարձումյան փողոցի թիվ 12/5, 14, 97/3, 111/3, Վաղարշյան փողոցի թիվ 70/6 բազմաբնակարան շենքերի գազասպառողների, հարակից տարբեր նշանակության հանրային ձեռնարկությունների,
Բացի այդ, ժամը 09:00-18:00-ն կդադարեցվի Վանաձոր քաղաքի Մաշտոցի, Աղյուսագործների, Րաֆֆու, Սանկտ Պետերբուրգի (Լենինգրադյան) գազասպառողների, հարակից տարբեր նշանակության հանրային կազմակերպությունների գազամատակարարումը։
Պլանային աշխատանքներ («Անգեղակոթ-Ջերմուկ» DN500 մայրուղային գազատարի նորոգում) իրականացնելու նպատակով` օգոստոսի 13-ին ժամը 09։00-ից մինչև օգոստոսի 14-ը ժամը 21։00-ն, կդադարեցվի նաև Սյունիքի մարզի Շաղատ, Բալաք, Անգեղակոթ, Մուցք, Սառնակունք, Ծղուկ, Գորայք, Սպանդարյան բնակավայրերի գազասպառողների, «Նորաշ», «Ս․Կ․ Կազ» ՍՊԸ-ների ԱԳԼՃԿ-ների, «Բորիսովկա» ՍՊԸ-ի, նշված բնակավայրերում գործող այլ տարբեր նշանակության հանրային կազմակերպությունների գազամատակարարումը։
«Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները»,- նշվում է հաղորդագրության մեջ։