Բրիտանիան և Կանադան պնդում են, որ Ուկրաինայում խաղաղությունը չպետք է պարտադրվի: Սթարմերն ու Քարնին խնդրում են Թրամփին հաշվի առնել ուկրաինացիների կարծիքը։ Այս մասին հայտնում է Reuters-ը:
«Մեծ Բրիտանիայի վարչապետ Կիր Սթարմերը և Կանադայի վարչապետ Մարկ Քարնին համաձայնության են եկել, որ Ուկրաինայում խաղաղության կարգավորումը պետք է կառուցվի Կիևի հետ, այլ ոչ թե պարտադրվի նրան»,- նշում է աղբյուրը:
Երկու առաջնորդներն էլ ողջունել են ԱՄՆ նախագահ Դոնալդ Թրամփի գլխավորած միջազգային դիվանագիտական ջանքերը՝ «խաղաղություն հաստատելու» ուղղությամբ, և ընդգծել, որ այն «պետք է ձեռք բերվի Ուկրաինայի հետ, այլ ոչ թե պարտադրվի նրան»։
«Երկու առաջնորդներն էլ ընդգծել են, որ Ուկրաինայի ապագան պետք է հիմնված լինի ազատության, ինքնիշխանության և ինքնորոշման իրավունքի վրա», – ասվում է հայտարարության մեջ։
