Անգլիացի լրագրող Ալֆի Հաուզը, որը «Սաութհեմփթոնի» ավագ թղթակիցն է, Total Saints Podcast-ի եթերում ասել է, որ անգլիական ակումբը Հայաստանի ազգային հավաքականի կիսապաշտպան Էդուարդ Սպերցյանի տրանսֆերի համար որևէ առաջարկ չի կատարել Ռուսաստանի չեմպիոն «Կրասնոդարին», հաղորդում է Saints Extra-ն:
«Ակումբն անընդհատ հավաստիացնում է ինձ, որ խաղացողի համար դեռևս առաջարկներ չեն արել: Նրանք չգիտեն, թե որտեղից է նման տեղեկատվություն տարածվել։ Հնարավոր է՝ դրանք պարզապես լուրեր են կամ ծխի քող։ Ես որևէ կոնկրետ բան չեմ լսել»,- ասել է լրագրողը:
Ռուսական ակումբի գլխավոր մարզիչ Մուրադ Մուսաևը եւս անդրադարձել է այս լուրերին.
«Որտեղի՞ց եք ստացել այդ տեղեկատվությունը, որ «Սաութհեմփթոնը» կոնկրետ առաջարկ է ուղարկել։ Ինսայդերների՞ց, մենք չունենք նման տեղեկություն»,- Մուսաևի խոսքերն է փեխանցում Sport24-ը::