«Բավարիայի» լեգենդ Թոմաս Մյուլերը, ով այս ամսվա սկզբին պաշտոնապես տեղափոխվել է MLS-ի «Վանկուվեր Ուայթքեփս», բարեգործական աճուրդի է ներկայացրել մի շարք հիշարժան իրեր, այդ թվում՝ իր առաջին խաղաշապիկը կանադական թիմում: Աճուրդից ստացված ողջ հասույթը կուղղվի հիմնադրամին, որն աջակցում է հարազատներին կորցրած երեխաներին և դեռահասներին:
United Charity հարթակում ներկայացված են ստորագրությամբ խաղաշապիկներ, հուդիներ, ֆուտբոլային ճկնամաշկ կոշիկներ, անկյունային դրոշակ՝ «Բավարիայի» կազմում Մյուլերի վերջին խաղից (մայիսի 10, 2:0 հաշվով հաղթանակ «Բորուսիա» Մյունխենգլադբախի նկատմամբ), Թոմասի իրական չափսերով փայտե քանդակ՝ պատրաստված 200-ամյա կաղնուց, և այլ իրեր:
35-ամյա ֆուտբոլիստը լքել է «Բավարիան» 2025 թվականի ամռանը՝ ակումբային աշխարհի առաջնությունից հետո: Մյունխենյան ակումբի կազմում նա անցկացրել է 756 հանդիպում բոլոր մրցաշարերում՝ խփելով 250 գոլ և կատարելով 276 գոլային փոխանցում:
«Բավարիայի» կազմում Մյուլերը նվաճել է 33 տիտղոս, այդ թվում՝ երկու անգամ հաղթել է Չեմպիոնների լիգայում: Բացի այդ, գերմանացի ֆուտբոլիստը 2014 թվականի աշխարհի չեմպիոն է: