Քենիայի մայրաքաղաք Նայրոբիից հյուսիս-արևելք թեթևշարժիչային ինքնաթիռ է կործանվել, որի հետևանքով զոհվել է 6 մարդ, հաղորդում է Reuters-ը՝ հղում անելով տեղական պաշտոնյային։
Աֆրիկյան բժշկական հետազոտությունների և զարգացման հիմնադրամին (AMREF) պատկանող Cessna Citation 560 ինքնաթիռը Նայրոբիից դեպի Սոմալի էր ուղևորվում։ Թռիչքից կարճ ժամանակ անց այն սկսել է կորցնել բարձրությունը, բախվել կառուցվող շենքին, վնասել էլեկտրահաղորդման գիծը և հրդեհվել։ Ավելի վաղ հաղորդվել էր, որ ինքնաթիռում եղել են երկու օդաչու և երկու բժիշկ։
Քենիայի փրկարարական ծառայությունները աշխատում են դեպքի վայրում, իսկ ոստիկանությունը հետաքննում է միջադեպը։
A military plane just dropped in mwihoko pic.twitter.com/KR1HNptsEb
— g kabiru (@gkabiru87) August 7, 2025