Բուրյաթիայում մասնագետները 611 հա ընդհանուր մակերեսով չորս անտառային հրդեհ են մարում։ Անցած մեկ օրվա ընթացքում Մույսկի շրջանում մեկ օջախ է մարվել, հայտնել են անտառային տնտեսության հանրապետական գործակալությունից։
«Մույսկի շրջանում 70 հա տարածքում մեկ օջախ է մարվել։ Օգոստոսի 7-ի առավոտվա դրությամբ հանրապետությունում մարում են չորս հրդեհ՝ Բաունտյան էվենկյան, Մերձբայկալյան և Հյուսիս-Բայկալյան շրջաններում։ Ընդհանուր մակերեսը կազմում է 611 հա», – ասվում է հաղորդագրության մեջ։
Նշվում է, որ վերջին 24 ժամվա ընթացքում Բաունտյան էվենկյան շրջանում անտառային հրդեհի մեկ օջախ է հայտնաբերվել, որի պատճառը չոր ամպրոպն է եղել։
Հրդեհի մարմանը մասնակցել է 107 մարդ և 21 միավոր տեխնիկա։ Բնակեցված տարածքների կամ տնտեսական օբյեկտների համար սպառնալիք չկա։
Բուրյաթիայի անտառային ֆոնդում հրդեհների կանխարգելման հատուկ ռեժիմ է գործում։