ԵՊՀ Հայոց լեզվի պատմության ամբիոնի դոցենտ Նարինե Դիլբարյանի ֆեյսբուքյան գրառումը․ «Համաձայնագրից մինչև վստահելի խաղաղություն մեծ ճանապարհ է, «մտադրություն»-ների մասին էլ հին ու անկեղծ խոսք կա. «Դեպի դժոխք տանող ճանապարհը սալարկված է բարի մտադրություններով»։ Եվ ահա Փաշինյանը Սպիտակ տուն է գնում։ Ալիևյան մամուլն անգամ ժամանակացույց է տպել։ Ըստ այդ աղբյուրի հանդիպումների ժամանակացույցի՝ Փաշինյանի հետ հանդիպումն առաջինն է՝ (Վաշինգթոնի ժամանակով-խմբ․) ժամը 14:30-ին, ապա Ալիևի հետ՝ 15:20-ին։ Այդ օրն էլ՝ 16:00-ին, տեղի կունենա Թրամփի, Փաշինյանի և Ալիևի համատեղ հայտարարությունը։
Նաև ակնկալվում է, որ Թրամփը ներկա կլինի Հայաստանի և Ադրբեջանի միջև մտադրությունների մասին հուշագրի ստորագրմանը, որը խորհրդանշում է Ալիև-Փաշինյան զույգի «պարտավորությունը վերջապես խաղաղության համաձայնագիր կնքելու հարցում»։ Իրանական աղբյուրները սույն հանդիպումը կոչում են «ֆեյքային, որի նպատակը «Զանգեզուրի միջանցքի ռազմական գրավումն է» (ԻՀՊԿ թելեգրամյան էջից)։ Ադրբեջանի և ԱՄՆ նպատակները պարզ են։ Իսկ Նիկոլ Փաշինյանինը՝ շատ ընդհանրական՝ «տարածաշրջանում խաղաղության, բարգավաճման և տնտեսական համագործակցության խթանման համար»: Հարց ունեմ՝ նրա այս բարգավաճման հայեցակարգում Բաքվից հայ պատանդների վերադարձի հարցը ներառվո՞ւմ է։ Բացառիկ հնարավորություն է Թրամփին շնորհակալությամբ հիշեցնել նրա գնահատականները Արցախում Բաքվի գործողությունների մասին եւ բարձրացնել մեր պատանդ հայրենակիցների գոնե պաշտպանության հարցերը։ Կանի՞ արդյոք…Ռուբեն Վարդանյանը և Արցախի անկախացումը կայացրած գործիչները սպասում են արդարության»։