Բրազիլացի հարձակվող Նեյմարը, որը ներկայումս հանդես է գալիս «Սանտոսի» կազմում, կարող է շարունակել կարիերան Իտալիայի առաջնությունում, հայտնում է La Gazzetta dello Sport-ը։
Աղբյուրի տեղեկություններով՝ «Յուվենտուսը» դիտարկում է Նեյմարի հետ պայմանագիր կնքելու հնարավորությունը։ Ակումբը վստահ է, որ ֆուտբոլիստը կարող է վերականգնել իր կարիերայի բարձունքները Իտալիայում։ Ըստ լուրերի՝ հնարավոր տրանսֆերը ֆինանսապես ծանրաբեռնված չի լինի իտալական ակումբի համար։
Հայտնի է, որ ընթացիկ տրանսֆերային պատուհանի ընթացքում Նեյմարով հետաքրքրվել է նաև ֆրանսիական «Մարսելը»։
Նեյմարը հայտնի է «Բարսելոնայի» և ՊՍԺ-ի կազմում իր ելույթներով։ Մինչև 2023 թվականը նա եղել է Բրազիլիայի հավաքականի առաջատարներից մեկը։ Այս ձմռանը Նեյմարը վերադարձել է իր հայրենի «Սանտոս» ակումբ, որտեղ 18 խաղում խփել է 4 գոլ և կատարել 3 գոլային փոխանցում։