«Բարսելոնայի» դարպասապահ Մարկ-Անդրե տեր Շտեգենը վիրահատվել է մեջքի ստորին հատվածի խնդիրների պատճառով։
Վիրահատությունն իրականացվել է Ֆրանսիայի Բորդո քաղաքի Sports Clinic Bordeaux Mérignac կլինիկայում՝ բժիշկ Ամելի Լեգլիզի կողմից, ակումբի բժշկական ծառայության հսկողությամբ։
Կատալոնական ակումբի հայտարարության համաձայն՝ գերմանացի դարպասապահը ներկայումս չի կարող վերադառնալ խաղադաշտ, և նրա ապաքինման ընթացքը կորոշի վերադարձի ժամկետները։
Ըստ լրատվամիջոցների՝ տեր Շտեգենը կարող է բաց թողնել մոտ 3-4 ամիս։ 2024/25 մրցաշրջանում նա Լա Լիգայում մասնակցել է 8 հանդիպման։