Ինչպես հայտնում է կառավարությունից տեղյակ աղբյուրը, վերջերս Նիկոլ Փաշինյանի Ռուսաստան կատարած այցն ունեցել է բավականին մռայլ երանգավորում: Աղբյուրն ավելի վաղ հայտնել էր, որ Նիկոլի հիմնական նպատակն էր հասկանալ, թե ներկա իրավիճակում ինչ կարող է սպասել Մոսկվայից: Եվ ահա, հիմա էլ հայտնեց, որ ռուսները տեղը տեղին բավարարել են Նիկոլի հետաքրքրասիրությունը:
Այսպես, Նիկոլին ավելորդ անգամ հանգամանորեն ներկայացրել են Ռուսաստանի հետ կապված առանցքային գործընթացների մասին: Սկսած ամերիկացիների հետ շփումներից եւ ուկրաինական թեմայից, վերջացրած Մոսկվայի պատկերացումներով` Հարավային Կովկասի երեք երկրների հետ կապված: Բնական է, այդ համատեքստում նախ Բաքվի հետ կապված ներկա իրողությունները, սպասելիքները, ապա նաեւ, թե այս իրավիճակում ինչ են ակնկալում Նիկոլից: Ավելի ճիշտ, թե նրա որ գործողությանը ինչ կարող է հաջորդել: Վերջում էլ ասել են, թե` անկախ երկիր եք, ինքներդ որոշեք ձեր անելիքը: Այսինքն, կարող եք անել ինչ ուզում եք` ինչպես միջանցքային հարցերի, Ադրբեջանի հետ հարաբերությունների հետ կապված, այնպես էլ` ներհայաստանյան իրավիճակի: Միայն թե ամեն մի սցենարին կարող է ապագայում հաջորդել այս-այս հետեւանքները` լավ կամ վատ: Թող Նիկոլը հիմա մի լավ կողմնորոշվի, քանի որ հետագայում էլ ստանդարտ արդարացումները, թե ձեր ընկերն եմ, մյուսների հետ խաղում եմ, այլեւս չեն ընդունվելու:
Աղբյուրի գնահատմամբ, նիկոլական թիմում ծանր են տարել այս նոր իրողությունները` հասկանալով, որ հետագան կարող է ամենեւին էլ այն վարդագույն տեսքը չունենա, ինչպես ներշնչում են արեւմտյան «հարազատները»: Ու այդ դեպքում պետք է հաշիվ տալ այս պահին կայացված ամեն մի որոշման համար, որը Մոսկվայում կհամարեն վերջնական դիրքորոշում:
Աղբյուրը նաեւ հայտնում է, որ թույլ փորձեր են եղել Պուտինի հետ եւս հանդիպում կազմակերպելու համար, սակայն շատ արագ հասկանալով, որ իմաստ չկա, հրաժարվել են այդ մտքից:
Տես նաեւ https://t.me/iravunk/55426