ԱՄՆ փոխգնդապետ Ջեֆրի Ֆրիցը Վաշինգտոնին առաջարկել է Ռուսաստանից գնել Կոմանդորյան կղզիները՝ չինական սուզանավերին հետևելու համար: Այս մասին հայտնում է Breaking Defense-ը։
«Առաջարկն այն է, որ ԱՄՆ-ն 5 միլիարդ դոլարով հասնի Ռուսաստանից Կոմանդորյան կղզիների խաղաղ և պրագմատիկ ձեռքբերմանը՝ Հյուսիսային Սառուցյալ օվկիանոս մուտք գործելու փորձ կատարող չինական սուզանավերի հնարավոր գործունեությունը վերահսկելու համար», – ասել է նա:
Նա ընդգծել է՝ գնումը կարող է «ամրապնդել Արկտիկայի անվտանգությունը, վերամիավորել տարանջատված բնիկ բնակչությանը և հաստատել Ամերիկայի առաջնորդությունը արագ զարգացող տարածաշրջանում»: