JPMorgan-ը հաջորդ տարի հնարավոր է սկսի տրամադրել վարկեր՝ բիթքոինի և էթերեումի գրավադրումով՝ այսպիսով փոխելով իր մոտեցումը թվային ակտիվների նկատմամբ։
Այս քայլն արդյունքն է աճող ինստիտուցիոնալ հետաքրքրվածության, նոր ընդունված GENIUS օրինագծի շնորհիվ կանոնակարգային հստակության և կրիպտոն ավանդական ֆինանսների ոլորտում որպես գրավ ընդունելու միտումների։
Չնայած գլխավոր գործադիր տնօրեն Ջեյմի Դայմոնը նախկինում բիթքոինն անվանել է «խարդախություն», բանկն այժմ ավելի բաց է մոտենում կրիպտոյին։ JPMorgan-ն արդեն ընդունում է Bitcoin ETF-ի բաժնետոմսերը որպես վարկի համար գրավադրում, իսկ բուն կրիպտոարժույթների պահպանումը վստահում է երրորդ կողմի պահառուներին, ինչպիսին է, օրինակ՝ Coinbase-ը, քանի որ Basel III կանոնակարգը խիստ սահմանափակումներ է դրել բանկերի վրա կրիպտոյի պահպանման հարցում։
Մասնագետները նշում են, որ բիթքոինի ռիսկ/արդյունավետություն հարաբերակցությունը մեծացրել է ներդրողների հետաքրքրվածությունը, իսկ JPMorgan-ի դիրքորոշման փոփոխությունը կարող է ճանապարհ հարթել ավելի լայն ընդունման համար։ Մյուս խոշոր խաղացողները՝ Morgan Stanley-ն և Citigroup-ը նույնպես ուսումնասիրում են կրիպտոյով նախաձեռնությունների իրականացումը, իսկ Western Union-ը հետաքրքրված է սթեյբլքոիններով միջազգային փոխանցումների հնարավորությամբ։