Թեհրանը թույլ է տալիս ապագայում Իրանի միջուկային ծրագրի վերաբերյալ Վաշինգտոնի հետ ուղիղ բանակցություններ վարել, եթե ԱՄՆ-ն պատրաստ լինի դրանք անցկացնել հավասարության հիման վրա։
Այս մասին Fox News հեռուստաալիքին տված հարցազրույցում հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։
«Այս պահին ոչ, բայց գուցե ապագայում լինի դա», – ասել է Արաղչին՝ պատասխանելով այն հարցին, թե արդյոք իրանական կողմի և ԱՄՆ նախագահ Դոնալդ Թրամփի վարչակազմի միջև ուղիղ շփումները երբևէ հնարավոր են։
«Ամեն ինչ կախված է նրանից, թե արդյոք ԱՄՆ-ն պատրաստ է Իրանի հետ փոխգործակցել հավասար հիմունքներով՝ փոխադարձ հարգանքի, ընդհանուր շահերի հիման վրա», – հավելել է արտաքին գործերի նախարարության ղեկավարը։
Արաղչիի խոսքով՝ Իրանը կասկածամիտ է ամերիկացիների նկատմամբ։