Հնդկաստանը չի աջակցում միակողմանի պատժամիջոցներին և զգուշացնում է էներգետիկ առևտրում կրկնակի ստանդարտների դեմ, հուլիսի 18-ին հայտարարել է Հնդկաստանի արտաքին գործերի նախարարության խոսնակ Ռանդհիր Ջայսվալը՝ մեկնաբանելով Եվրամիության (ԵՄ) կողմից Ռուսաստանի դեմ պատժամիջոցների 18-րդ փաթեթը։
«Մենք ի գիտություն ենք ընդունել Եվրամիության կողմից հայտարարված վերջին պատժամիջոցները։ Հնդկաստանը չի աջակցում որևէ միակողմանի միջոցի։ Մենք պատասխանատու դերակատար ենք և լիովին հավատարիմ ենք մնում մեր իրավական պարտավորություններին», – ասել է Ջայսվալը X (նախկինում՝ Twitter) սոցիալական ցանցում տեղադրված հայտարարության մեջ։