Վարդաշենի հանրակացարանների բնակիչները կրկին բողոքի ակցիա են իրականացնում Կառավարության շենքի դիմաց։ Պահանջում են, որ իրենց խնդիրը օր առաջ լուծվի․«Այլևս անհնար է այդ փլատակների մեջ ապրելը»,- ասում են նրանք։
Հիշեցնենք՝ այդ շենքերը ճանաչվել են 4-րդ կարգի վթարային։ Բնակիչները մի քանի անգամ բողոքի ակցիաներ են իրականացրել քաղաքապետարանի և Կառավարության շենքերի մոտ՝ պահանջելով իրենց ապահովել բնակարաններով։ «Դիմել ենք Կառավարությանը, պետք է որոշում կայացնեն, ճանաչեն գերակա շահ, որ կարողանանք նորից դիմել քաղաքապետարան։ Մեկը մյուսի վրա է գցում»,- ասում են բնակիչները։ «Պարոն Փաշինյան, քեզ գոնե կես ժամով դիր մեր տեղը, քո փոքր երեխան իմ երեխայի նման չի կարող հինգ վայրկյան ապրի։ Երեխաս արդեն հաշմանդամություն է ստացել էդտեղ ապրելով»,- ասում է բնակչուհիներից մեկը՝ շեշտելով, որ իրենք անտեսված են, իսկ իրենց կյանքը՝ վտանգված։