Կենդանու նկատմամբ դաժան վերաբերմունք ցուցաբերած քաղաքացին ձերբակալվել է, հայտնել է ՆԳՆ մամուլի խոսնակ Նարեկ Սարգսյանը։
Ըստ Սարգսյանի՝ Բյուրեղավանի 62-ամյա բնակիչը, ով շանը կապել է մեքենայից ու քարշ տվել, հայտնաբերվել, ձերբակալվել և մեքենայով հանդերձ տեղափոխվել է ՆԳՆ ոստիկանություն։
«Կենդանիների նկատմամբ դաժան վերաբերմունքը քրեորեն դատապարտելի արարք է և յուրաքանչյուր դեպք առաջացնելու է իրավական հետևանքներ»,- նշել է Սարգսյանը։
ՆԳՆ խոսնակը հորդորել է կենդանու նկատմամբ դաժան վերաբերմունքի ականատես լինելու դեպքում անհապաղ դիմել ոստիկանություն։
