Meta-ն ձեռք է բերել Play AI ստարտափը, որն ԱԲ-ի միջոցով ստեղծում է մարդկային ձայներ։ Meta-ի ներկայացուցիչը հաստատել է գործարքը։ Հաղորդվում է, որ Play AI-ի ամբողջ թիմը կմիանա ընկերությանը հաջորդ շաբաթ։
Ներքին նամակագրությունում նշվում է, որ Play AI-ի փորձառությունը համապատասխանում է Meta-ի նպատակներին կապված ԱԲ կերպարների, Meta AI-ի, կրելի սարքերի և ձայնային բովանդակության ստեղծման հետ։ Ստարտափի հարթակը հեշտացնում է բնական ձայների ստեղծման գործընթացը՝ աջակցելով Meta-ի ԱԲ ռազմավարությանը։
Գործարքի ֆինանսական պայմանները չեն հրապարակվել։ Այն տեղի է ունեցել Meta-ի՝ ԱԲ ոլորտում կատարած ակտիվ ներդրումների ֆոնին, որոնց թվում են՝ մասնագետների հավաքագրումը OpenAI-ից և սուպերինտելեկտի նոր բաժնի ստեղծումը Scale AI-ի տնօրեն Ալեքսանդր Վանգի ղեկավարությամբ։