Ռուսաստանի արտաքին գործերի նախարար Սերգեյ Լավրովը Չինաստանի նախագահ Սի Ցզինպինին է փոխանցել Ռուսաստանի նախագահ Վլադիմիր Պուտինի բանավոր ուղերձը:
Այս մասին ասվում է Ռուսաստանի արտաքին գործերի նախարարության հայտարարության մեջ։
«Լավրովը Չինաստանի առաջնորդին է փոխանցել Ռուսաստանի նախագահ Վլադիմիր Պուտինի բարեկամական ողջույններն ու բարեմաղթանքները։ Քննարկվել են երկկողմ քաղաքական շփումների մի շարք հարցեր՝ ամենաբարձր և բարձր մակարդակներում, այդ թվում՝ Ռուսաստանի պետության ղեկավարի Չինաստանի Ժողովրդական Հանրապետություն այցի նախապատրաստական աշխատանքները՝ Շանհայի համագործակցության կազմակերպության գագաթնաժողովին մասնակցելու և Ճապոնիայի նկատմամբ տարած հաղթանակի 80-ամյակի տոնակատարություններին մասնակցելու համար», – ասվում է Արտաքին գործերի նախարարության հայտարարության մեջ։
Ռուսական կողմը նաև անդրադարձել է միջազգային և տարածաշրջանային օրակարգի որոշ արդիական թեմաների։