Utair ավիաընկերության Մոսկվա-Երևան չվերթն իրականացնող օդանավը 2,5 ժամ տևած թռիչքից հետո վերադարձել է ՌԴ մայրաքաղաքի «Վնուկովո» օդանավակայան։
«Осторожно, новости»-ին UT785 չվերթի ուղևորները պատմել են, որ Utair ավիաընկերության ինքնաթիռը Մոսկվայից թռիչքը կատարել է նախօրեին ժամը 21:00-ի սահմաններում: Թռիչքի մեկնարկից շուրջ 2,5 ժամ անց օդաչուն զգուշացրել է ուղևորներին, որ վերադառնում են «Վնուկովո»՝ «թռիչքային սահմանափակումների» պատճառով:
Ավելի ուշ ավիաընկերության աշխատակիցը հայտնել է, որ ինքնաթիռի հետ կապված խնդիրներ են եղել և պետք էր վառելիքը սպառել՝ մեկնման օդանավակայանում վայրէջք կատարելու համար։
Թարգմանությունը՝ Էմմա Չոբանյանի