ԱՄՆ նախագահ Դոնալդ Թրամփը հայտարարել է, որ մարդկանց մի խումբ ցանկանում է գնել TikTok-ը չինական ByteDance ընկերությունից, հաղորդում է «Ինտերֆաքս»-ը։
«Կարծում եմ՝ այդ մասին կխոսեմ մի քանի շաբաթից: Դա շատ հարուստ մարդկանց խումբ է», – կիրակի օրը Fox News-ին տված հարցազրույցում ասել է Թրամփը։
Միևնույն ժամանակ, ամերիկացի նախագահը ենթադրել է, որ գործարքի համար անհրաժեշտ կլինի չինական իշխանությունների համաձայնությունը։ «Կարծում եմ՝ նախագահ Սին դա կանի», – ասել է Թրամփը՝ նկատի ունենալով Չինաստանի նախագահ Սի Ցզինպինին։
Անցյալ շաբաթ Թրամփը ԱՄՆ-ում TikTok-ը փակելու վերջնաժամկետը երկարաձգել է մինչև սեպտեմբերի 17-ը։