Հազարավոր ցուցարարներ են հավաքվել Թաիլանդի մայրաքաղաք Բանգկոկում՝ պահանջելով վարչապետ Պաետոնգտարն Չինավատի հրաժարականը Կամբոջայի նախկին առաջնորդ Հուն Սենի հետ ունեցած հեռախոսազրույցի պատճառով, հայտնում է BBC News-ը։
Նրանց սահմանին տեղի ունեցած վերջին միջադեպին նվիրված հեռախոսազրույցում նա Հուն Սենին դիմել է «քեռի» և ասել, որ վեճը հարթող թայլանդցի զինվորական հրամանատարը «պարզապես ցանկանում էր իրեն լավ տղա ցույց տալ և անիմաստ բաներ էր խոսում»։ Այս արտահայտությունը հանրային վրդովմունք է առաջացրել, և կառավարող կոալիցիայում նրա առանցքային գործընկերը հրաժարական է տվել։
Պաետոնգտարնը ներողություն է խնդրել, սակայն իր զանգն անվանել է «բանակցություններ վարելու մեթոդ»։ Ջրհեղեղից տուժած հյուսիսային Թաիլանդ մեկնելուց առաջ Պաետոնգտարնը լրագրողներին հայտարարել է, որ «ժողովրդի իրավունքն է բողոքի ցույց անելու, եթե այն խաղաղ է ընթանում»։
Շաբաթ օրվա հանրահավաքն իր տեսակի մեջ ամենախոշորն էր այն պահից ի վեր, երբ 2023 թվականին իշխանության եկավ «Փհեու Թայ» իշխող կուսակցությունը։ Հազարավոր մարդիկ, չնայած մուսոնային անձրևին, փակել են Բանգկոկի «Հաղթանակի հուշարձան» ռազմական հուշահամալիրի մոտ գտնվող ճանապարհները՝ ծածանելով թայլանդական դրոշներ և պահելով պաստառներ այնպիսի կարգախոսներով, ինչպիսին է՝ «Վարչապետը պետության թշնամին է»։
Բողոքի ակցիայի առաջնորդ Պարնտեպ Պուրպոնգպանը հայտարարել է, որ վարչապետը «պետք է հրաժարական տա, քանի որ նա է խնդիրը»։
Պաետոնգտարնը հայտարարել է, որ այլևս չի զանգահարի Կամբոջայի նախկին առաջնորդին, սակայն Պարնտեպը Reuters գործակալությանն ասել է, որ շատ թայլանդցիներ կարծում են, թե Հուն Սենը մանիպուլյացիայի է ենթարկում նրան և նրա ազդեցիկ հորը։
Նրանց սահմանին տեղի ունեցած վերջին միջադեպին նվիրված հեռախոսազրույցում նա Հուն Սենին դիմել է «քեռի» և ասել, որ վեճը հարթող թայլանդցի զինվորական հրամանատարը «պարզապես ցանկանում էր իրեն լավ տղա ցույց տալ և անիմաստ բաներ էր խոսում»։ Այս արտահայտությունը հանրային վրդովմունք է առաջացրել, և կառավարող կոալիցիայում նրա առանցքային գործընկերը հրաժարական է տվել։
Պաետոնգտարնը ներողություն է խնդրել, սակայն իր զանգն անվանել է «բանակցություններ վարելու մեթոդ»։ Ջրհեղեղից տուժած հյուսիսային Թաիլանդ մեկնելուց առաջ Պաետոնգտարնը լրագրողներին հայտարարել է, որ «ժողովրդի իրավունքն է բողոքի ցույց անելու, եթե այն խաղաղ է ընթանում»։
Շաբաթ օրվա հանրահավաքն իր տեսակի մեջ ամենախոշորն էր այն պահից ի վեր, երբ 2023 թվականին իշխանության եկավ «Փհեու Թայ» իշխող կուսակցությունը։ Հազարավոր մարդիկ, չնայած մուսոնային անձրևին, փակել են Բանգկոկի «Հաղթանակի հուշարձան» ռազմական հուշահամալիրի մոտ գտնվող ճանապարհները՝ ծածանելով թայլանդական դրոշներ և պահելով պաստառներ այնպիսի կարգախոսներով, ինչպիսին է՝ «Վարչապետը պետության թշնամին է»։
Բողոքի ակցիայի առաջնորդ Պարնտեպ Պուրպոնգպանը հայտարարել է, որ վարչապետը «պետք է հրաժարական տա, քանի որ նա է խնդիրը»։
Պաետոնգտարնը հայտարարել է, որ այլևս չի զանգահարի Կամբոջայի նախկին առաջնորդին, սակայն Պարնտեպը Reuters գործակալությանն ասել է, որ շատ թայլանդցիներ կարծում են, թե Հուն Սենը մանիպուլյացիայի է ենթարկում նրան և նրա ազդեցիկ հորը։