https://arm.sputniknews.ru/20250626/irani-verahskvogh-marminy-hastatel-e-magate-i-het-hamagvortsakcutjuny-kasecnelu-orinagitsy-90655221.html
Իրանի վերահսկող մարմինը հաստատել է ՄԱԳԱՏԷ-ի հետ համագործակցությունը կասեցնելու օրինագիծը
Իրանի վերահսկող մարմինը հաստատել է ՄԱԳԱՏԷ-ի հետ համագործակցությունը կասեցնելու օրինագիծը
Sputnik Արմենիա
Ավելի վաղ Իրանի խորհրդարանը հաստատել էր Թեհրանի և ՄԱԳԱՏԷ-ի համագործակցությունը կասեցնելու մասին օրինագիծը։ 26.06.2025, Sputnik Արմենիա
2025-06-26T16:05+0400
2025-06-26T16:05+0400
2025-06-26T16:19+0400
մագատէ
իրանի իսլամական հանրապետություն
իսրայել
ռաֆայել գրոսի
https://cdn.am.sputniknews.ru/img/07e9/06/1a/90651156_0:167:1600:1067_1920x0_80_0_0_7fe7db7d538def167341eab90d692740.jpg
ԵՐԵՎԱՆ, 26 հունիսի – Sputnik. Իրանի սահմանադրության պահապանների խորհուրդը հաստատել է ՄԱԳԱՏԷ–ի հետ Թեհրանի համագործակցությունը կասեցնելու մասին օրինագիծը։ Այս մասին հայտնել է այդ վերահսկող մարմնի պաշտոնական ներկայացուցիչ Հադի Թահան Նազիֆը։Իրանի խորհրդարանն ավելի վաղ հաստատել էր օրինագիծ ՄԱԳԱՏԷ–ի հետ Թեհրանի համագործակցությունը կասեցնելու մասին «այնքան ժամանակ, մինչև Իրանի միջուկային օբյեկտների և միջուկային գիտնականների անվտանգությունը չապահովվի»։Ավելի վաղ խորհրդարանի խոսնակ Մոհամմադ Բաղեր Ղալիբաֆը հայտարարել էր, որ ՄԱԳԱՏԷ–ն չի կատարել համագործակցության մասին համաձայնագրերով ստանձնած իր պարտավորությունները։ՄԱԳԱՏԷ-ի տնօրեն Ռաֆայել Գրոսին հունիսի 23-ի գիշերը ՄԱԿ-ի Անվտանգության խորհրդի նիստում Թեհրանին խնդրել էր հասանելիություն տալ Իրանի երեք վնասված օբյեկտներին` հետևանքների մասշտաբները հասկանալու և գործակալության մանդատի համապատասխան միջուկային տեխնոլոգիաների հետագա խաղաղ օգտագործման համար: Սակայն Իրանի մշտական ներկայացուցիչը հայտարարեց, որ կազմակերպությունը վարկաբեկել է իրեն՝ վերածվելով քաղաքական գործիքի:ՌԴ–ն և ՄԱԳԱՏԷ–ն ապացույցներ չունեն, որ Իրանը պատրաստվում է միջուկային զենք ստանալ. ՊուտինԵրկրի հարաբերությունները կազմակերպության հետ վատթարացել էին դեռ իսրայելական գործողության և ԱՄՆ-ի հարվածներից առաջ. Թեհրանը սահմանափակել էր տեսուչների մուտքը իր օբյեկտներ: Իսկ հարվածներից անմիջապես առաջ ՄԱԳԱՏԷ-ն բանաձև ընդունեց, որում ասվում էր, որ Իրանը չի կատարում իր պարտավորությունները միջուկային զենքի չտարածման ռեժիմի շրջանակներում: Մասնավորապես, փաստաթղթում նշվում էր, որ Թեհրանը գործակալությանը չի տրամադրել «տեխնիկապես հիմնավորված բացատրություններ» չհայտարարագրված օբյեկտներում արհեստականորեն ստեղծված ուրանի մասնիկների առկայության վերաբերյալ: Դրանից հետո Իսրայելը հարվածներ է հասցրել Իրանին: Գործակալությունը ԱՄՆ-ի հարվածներից հետո ավերածություններ է գրանցել Սպահանում, Ֆորդոյում և Նաթանզում, սակայն օբյեկտներից դուրս ճառագայթման մակարդակի աճ չի դիտվել:
իրանի իսլամական հանրապետություն
իսրայել
2025
Լուրեր
am_HY
https://cdn.am.sputniknews.ru/img/07e9/06/1a/90651156_13:0:1436:1067_1920x0_80_0_0_602a19d54059a544c7897bb0d036eb80.jpg
մագատէ, իրանի իսլամական հանրապետություն, իսրայել, ռաֆայել գրոսի
մագատէ, իրանի իսլամական հանրապետություն, իսրայել, ռաֆայել գրոսի
Ավելի վաղ Իրանի խորհրդարանը հաստատել էր Թեհրանի և ՄԱԳԱՏԷ-ի համագործակցությունը կասեցնելու մասին օրինագիծը։
ԵՐԵՎԱՆ, 26 հունիսի – Sputnik. Իրանի սահմանադրության պահապանների խորհուրդը հաստատել է ՄԱԳԱՏԷ–ի հետ Թեհրանի համագործակցությունը կասեցնելու մասին օրինագիծը։ Այս մասին հայտնել է այդ վերահսկող մարմնի պաշտոնական ներկայացուցիչ Հադի Թահան Նազիֆը։
«ՄԱԳԱՏԷ–ի հետ համագործակցությունը կասեցնելու մասին կառավարությանը պարտավորեցնող օրինագիծը սահմանադրության պահապանների խորհրդի անդամների քննարկումից հետո չի ճանաչվել իսլամական իրավունքին և սահմանադրությանը չհամապատասխանող»,– գրել է նա X սոցցանցում։
Ավելի վաղ խորհրդարանի խոսնակ Մոհամմադ Բաղեր Ղալիբաֆը հայտարարել էր, որ ՄԱԳԱՏԷ–ն չի կատարել համագործակցության մասին համաձայնագրերով ստանձնած իր պարտավորությունները։
ՄԱԳԱՏԷ-ի տնօրեն Ռաֆայել Գրոսին հունիսի 23-ի գիշերը ՄԱԿ-ի Անվտանգության խորհրդի նիստում Թեհրանին խնդրել էր հասանելիություն տալ Իրանի երեք վնասված օբյեկտներին` հետևանքների մասշտաբները հասկանալու և գործակալության մանդատի համապատասխան միջուկային տեխնոլոգիաների հետագա խաղաղ օգտագործման համար: Սակայն Իրանի մշտական ներկայացուցիչը հայտարարեց, որ կազմակերպությունը վարկաբեկել է իրեն՝ վերածվելով քաղաքական գործիքի:
Երկրի հարաբերությունները կազմակերպության հետ վատթարացել էին դեռ իսրայելական գործողության և ԱՄՆ-ի հարվածներից առաջ. Թեհրանը սահմանափակել էր տեսուչների մուտքը իր օբյեկտներ: Իսկ հարվածներից անմիջապես առաջ ՄԱԳԱՏԷ-ն բանաձև ընդունեց, որում ասվում էր, որ Իրանը չի կատարում իր պարտավորությունները միջուկային զենքի չտարածման ռեժիմի շրջանակներում: Մասնավորապես, փաստաթղթում նշվում էր, որ Թեհրանը գործակալությանը չի տրամադրել «տեխնիկապես հիմնավորված բացատրություններ» չհայտարարագրված օբյեկտներում արհեստականորեն ստեղծված ուրանի մասնիկների առկայության վերաբերյալ: Դրանից հետո Իսրայելը հարվածներ է հասցրել Իրանին: Գործակալությունը ԱՄՆ-ի հարվածներից հետո ավերածություններ է գրանցել Սպահանում, Ֆորդոյում և Նաթանզում, սակայն օբյեկտներից դուրս ճառագայթման մակարդակի աճ չի դիտվել: