https://arm.sputniknews.ru/20250615/putiny-bacatrel-e-te-inchu-e-sksel-khvosel-avandakan-arzheqneri-masin-90146253.html
Պուտինը բացատրել է, թե ինչու է սկսել խոսել ավանդական արժեքների մասին
Պուտինը բացատրել է, թե ինչու է սկսել խոսել ավանդական արժեքների մասին
Sputnik Արմենիա
Չնայած էթնիկ և կրոնական բազմազանությանը, Ռուսաստանի ժողովուրդներին միավորում է ընդհանուր բարոյական հիմքը։ 15.06.2025, Sputnik Արմենիա
2025-06-15T16:07+0400
2025-06-15T16:07+0400
2025-06-15T16:07+0400
վլադիմիր պուտին
ռուսաստան
արևմուտք
https://cdn.am.sputniknews.ru/img/07e9/06/0f/90142087_0:0:1280:721_1920x0_80_0_0_3c14a823d638208730542727781e1218.jpg
Ռուսաստանի նախագահ Վլադիմիր Պուտինը հայտարարել է, որ ավանդական արժեքների պաշտպանության թեման ծագել է ոչ թե որպես բանավեճի տարր, այլ որպես պատասխան ռուսական պետականությանը սպառնացող ներքին գործընթացներին:«Ռոսիա 1» հեռուստաալիքի լրագրող Պավել Զարուբինին տված հարցազրույցում նա նշել է, որ սկսել է բարձրացնել այդ թեման, երբ նկատել է արևմտյան մեյնսթրիմի գաղափարները «քաղաքակիրթ ընտրության» անվան տակ ռուսական հասարակությանը պարտադրելու փորձեր:ԱՄՆ-ում Դոնալդ Թրամփի վարչակազմի իշխանության գալուց հետո, որը, Պուտինի կարծիքով, շատ առումներով կիսում է ավանդական արժեքները, մարդիկ ամբողջ աշխարհում, որոնք նախկինում չէին համարձակվում բացահայտ արտահայտվել, սկսեցին ավելի ակտիվ արտահայտել իրենց դիրքորոշումը:«Թիկունքում նստած մարդիկ, որոնք լռում էին` չցանկանալով առերեսվել լիբերալ գլոբալիստների տոտալիտար մոտեցմանը, նույնպես սկսեցին արտահայտել իրենց տեսակետը, այդ թվում` քաղաքական թատերաբեմում»,- նշել է նա: Բախվելով մարտահրավերներին՝ Ռուսաստանը մտածում է ապագայի մասին. ՊուտինՆախագահը նաև ընդգծել է, որ ԱՄՆ-ն, որպես աշխարհի առաջատար երկրներից մեկը, զգալի ազդեցություն ունի գլոբալ և ազգային տնտեսությունների վրա, ինչպես նաև հզոր տեղեկատվական ռեսուրս: Սա ուժգնացնում է այնտեղ տեղի ունեցող քաղաքական և մշակութային գործընթացների նշանակությունը։Պուտինը հիշեցրել է, որ չնայած էթնիկ և կրոնական բազմազանությանը, Ռուսաստանի ժողովուրդներին միավորում է ընդհանուր բարոյական հիմքը, որի հիմքում ընկած են ավանդական արժեքները:«Ռուս մարդը և, ընդհանուր առմամբ, Ռուսաստանի բոլոր ժողովուրդները, որոնք միասին ապրում են դարեր շարունակ, ընդհանուր բարոյական սկզբնաղբյուր ունեն: Դա է ավանդական արժեքների հիմքում»,-ասել է նա։Պետության ղեկավարը նախազգուշացրել է, որ այդ արժեքներից հրաժարվելը հղի է ռուսական ինքնության կորստով։Պուտինը նաև նշել է, որ ավանդական արժեքների վերաբերյալ Ռուսաստանի տեսակետները աջակցություն են գտնում ոչ միայն երկրի ներսում, այլև նրա սահմաններից դուրս: «Արևմտյան Եվրոպայում և Ամերիկայում նույնպես քիչ չեն մարդիկ, որոնք կիսում են մեր դիրքորոշումը։ Հուսով եմ, որ մեր ազնիվ և բաց դիրքորոշումն օգնել է նրանց, ովքեր նույն կերպ են մտածում, ինչ մենք»,-ասել է նա։Սաիդա Մեդվեդևայի և Պավել Զարուբինի «Ռուսաստան. Կրեմլ. Պուտին, 25 տարի» վավերագրական ֆիլմի պրեմիերան կայացել է մայիսի 4-ին «Ռոսիա» հեռուստաալիքի եթերում։ Հարցազրույցի նոր հատվածները հրապարակվել են կիրակի օրը Զարուբինի Telegram-ալիքում։
արևմուտք
2025
Լուրեր
am_HY
https://cdn.am.sputniknews.ru/img/07e9/06/0f/90142087_287:0:1280:745_1920x0_80_0_0_d414bdc16e5a8974fa98e5f89ace007d.jpg
վլադիմիր պուտին, ռուսաստան, արևմուտք, видео
վլադիմիր պուտին, ռուսաստան, արևմուտք, видео
Չնայած էթնիկ և կրոնական բազմազանությանը, Ռուսաստանի ժողովուրդներին միավորում է ընդհանուր բարոյական հիմքը։
Ռուսաստանի նախագահ Վլադիմիր Պուտինը հայտարարել է, որ ավանդական արժեքների պաշտպանության թեման ծագել է ոչ թե որպես բանավեճի տարր, այլ որպես պատասխան ռուսական պետականությանը սպառնացող ներքին գործընթացներին:
«Ռոսիա 1» հեռուստաալիքի լրագրող Պավել Զարուբինին տված հարցազրույցում նա նշել է, որ սկսել է բարձրացնել այդ թեման, երբ նկատել է արևմտյան մեյնսթրիմի գաղափարները «քաղաքակիրթ ընտրության» անվան տակ ռուսական հասարակությանը պարտադրելու փորձեր:
«Ես սկսեցի այդ մասին խոսել այն ժամանակ, երբ տեսա, որ շարժում է տեղի ունենում երկրի ներսում, հասարակության ներսում, արևմտյան մեյնսթրիմի գաղափարները Ռուսաստանի ժողովուրդների գիտակցություն ներդնելու ցանկություն։ Ոչ այն պատճառով, որ որոշել էի ինչ-որ մեկի հետ վիճել, այլ որպեսզի ներսից խոչընդոտեմ ռուսական պետականության փլուզմանը»,-ընդգծել է Պուտինը։
ԱՄՆ-ում Դոնալդ Թրամփի վարչակազմի իշխանության գալուց հետո, որը, Պուտինի կարծիքով, շատ առումներով կիսում է ավանդական արժեքները, մարդիկ ամբողջ աշխարհում, որոնք նախկինում չէին համարձակվում բացահայտ արտահայտվել, սկսեցին ավելի ակտիվ արտահայտել իրենց դիրքորոշումը:
«Թիկունքում նստած մարդիկ, որոնք լռում էին` չցանկանալով առերեսվել լիբերալ գլոբալիստների տոտալիտար մոտեցմանը, նույնպես սկսեցին արտահայտել իրենց տեսակետը, այդ թվում` քաղաքական թատերաբեմում»,- նշել է նա:
Նախագահը նաև ընդգծել է, որ ԱՄՆ-ն, որպես աշխարհի առաջատար երկրներից մեկը, զգալի ազդեցություն ունի գլոբալ և ազգային տնտեսությունների վրա, ինչպես նաև հզոր տեղեկատվական ռեսուրս: Սա ուժգնացնում է այնտեղ տեղի ունեցող քաղաքական և մշակութային գործընթացների նշանակությունը։
Պուտինը հիշեցրել է, որ չնայած էթնիկ և կրոնական բազմազանությանը, Ռուսաստանի ժողովուրդներին միավորում է ընդհանուր բարոյական հիմքը, որի հիմքում ընկած են ավանդական արժեքները:
«Ռուս մարդը և, ընդհանուր առմամբ, Ռուսաստանի բոլոր ժողովուրդները, որոնք միասին ապրում են դարեր շարունակ, ընդհանուր բարոյական սկզբնաղբյուր ունեն: Դա է ավանդական արժեքների հիմքում»,-ասել է նա։
Պետության ղեկավարը նախազգուշացրել է, որ այդ արժեքներից հրաժարվելը հղի է ռուսական ինքնության կորստով։
«Եթե մենք չհիմնվենք մեր ավանդական արժեքների վրա, մենք պարզապես չենք լինի։ Ռուսաստանը կկորցնի իր ինքնությունը, իսկ դա չափազանց վտանգավոր է նրա ապագայի համար»,-հայտարարել է նա։
Պուտինը նաև նշել է, որ ավանդական արժեքների վերաբերյալ Ռուսաստանի տեսակետները աջակցություն են գտնում ոչ միայն երկրի ներսում, այլև նրա սահմաններից դուրս: «Արևմտյան Եվրոպայում և Ամերիկայում նույնպես քիչ չեն մարդիկ, որոնք կիսում են մեր դիրքորոշումը։ Հուսով եմ, որ մեր ազնիվ և բաց դիրքորոշումն օգնել է նրանց, ովքեր նույն կերպ են մտածում, ինչ մենք»,-ասել է նա։
Սաիդա Մեդվեդևայի և Պավել Զարուբինի «Ռուսաստան. Կրեմլ. Պուտին, 25 տարի» վավերագրական ֆիլմի պրեմիերան կայացել է մայիսի 4-ին «Ռոսիա» հեռուստաալիքի եթերում։ Հարցազրույցի նոր հատվածները հրապարակվել են կիրակի օրը Զարուբինի Telegram-ալիքում։