«Բարսելոնայի» նախկին գլխավոր մարզիչ Չավին կարող է կարիերան շարունակել Սաուդյան Արաբիայում: Այդ մասին հաղորդում է The Athletic-ը։
Աղբյուրի փոխանցմամբ՝ նրանով հետաքրքրված է «Ալ Ահլին»։
Վերջիններս նաև կապ են հաստատել «Տոտենհեմի» նախկին մարզիչ Էնջ Պոստեկողլուի հետ, և նա գլխավոր մարզիչ Մատիաս Յայսլեի հեռանալու դեպքում թեկնածուներից մեկն է։
Այս մասնագետների նկատմամբ հետաքրքրությունը կապված է 37-ամյա գերմանացու հնարավոր հրաժարականի հետ, ով կարող է գլխավորել «ՌԲ Լայպցիգը»։