Հունահռոմեական ոճի ըմբիշներ 48 կգ Մարտին Մանջիկյանը և 65 կգ Ջանես Նազարյանը դուրս են եկել Սկոպյեում ընթացող Եվրոպայի առաջնության եզրափակիչ։
Այս մասին հայտնել է Ըմբշամարտի ֆեդերացիան:
Մանջիկյանը կիսաեզրափակիչում 6:6 հաշվով հաղթել է ադրբեջանցի ըմբիշին, իսկ Նազարյանը՝ 10:4 հաշվով շվեդ մրցակցին։
Մինչև եզրափակիչ Մանջիկյանը առավելության է հասել նաև հույն մրցակցի նկատմամբ, իսկ Նազարյանը ուժեղ է եղել մոլդովացի և ռուս ըմբիշներից։
Մանջիկյանի մրցակիցը եզրափակիչում կլինի բուլղարացի Ստանիսլավ Իվանովը, իսկ Նազարյանը ուժերը կչափի վրացի Տավբերիձեի հետ։
55 կգ քաշային Վազգեն Մնացականյանը, հաղթելով սլովակ, իսրայելցի և ուկրաինացի ըմբիշներին, կիսաեզրափակիչում 5:6 հաշվով զիջել է վրացի մրցակցին և կպայքարի բրոնզե մեդալի համար։
80 կգ քաշային Վահե Հովեյանը պարտվել է մեկնարկում, սակայն հնարավորություն ունի պայքարը շարունակել բրոնզե մեդալի համար։
110 կգ Գոռ Մխիթարյանը ևս զիջել է մեկնարկային գոտեմարտում, սակայն նա էլ կպայքարի բրոնզե մեդալի համար։
«Հայկական Ժամանակ»-ը Telegram-ում
Տպել
745 դիտում