ՌԴ նախագահ Վլադիմիր Պուտինը Իսրայելի կողմից Իրանի նկատմամբ ագրեսիայի կապակցությամբ հեռախոսազրույց է անցկացրել ինչպես Իսրայելի վարչապետ Բենիամին Նեթանյահուի, այնպես էլ Իրանի նախագահ Մասուդ Փեզեշքիանի հետ։
Ինչպես հայտնում են Կրեմլի մամուլի ծառայությունից, Ռուսաստանի նախագահն Իրանի գործընկերոջ հետ զրույցում դատապարտել է Իսրայելի հարձակումները, դրանք որակել ՄԱԿ-ի կանոնադրության և միջազգային իրավունքի խախտում, ցավակցություններ է հայտնել Իսրայելի հարվածների հետևանքով այդ թվում՝ քաղաքացիական անձանց շրջանում բազմաթիվ զոհերի կապակցությամբ։
Իսրայելի վարչապետ Բենիամին Նեթանյահուի հետ հեռախոսազրույցում Ռուսաստանի նախագահն ընդգծել է Իրանի միջուկային ծրագրի հետ կապված բոլոր խնդիրները բանակցային և դիվանագիտական ճանապարհով լուծելու անհրաժեշտությունը, ինչպես նաև պատրաստակամություն է հայտնել որպես միջնորդ հանդես գալ այս հարցում՝ լարվածության հետագա սրացումը կանխելու համար։