Ուկրաինայի անվտանգության ծառայությունը ցուցադրել է «Սարդոստայն» հատուկ գործողության բացառիկ կադրեր, որի արդյունքում խոցվել են Ռուսաստանի ռազմավարական ավիացիայի մի քանի տասնյակ ռազմական ինքնաթիռներ։
Մասնավորապես, կադրերում արձանագրված են Ուկրաինայի անվտանգության ծառայության fpv-դրոնների հարվածները չորս օդակայանների վրա՝ «Օլենյա», «Իվանովո», «Դյագիլյովո» և «Բելայա»։
Ուկրաինայի անվտանգության ծառայության տվյալներով՝ «Սարդոստայն» հատուկ գործողության արդյունքում, որի ընթացքը անձամբ վերահսկել է Ուկրաինայի նախագահ Վլադիմիր Զելենսկին, խոցվել է 41 ռուսական ինքնաթիռ։ Գերատեսչությունը հավելել է, որ դրանց զգալի մասը անդառնալիորեն ոչնչացվել է։
ՆԱՏՕ-ի
բարձրաստիճան ներկայացուցիչը հայտարարել է, որ ուկրաինական հատուկ ծառայության ուժերի «Սարդոստայն» գործողության արդյունքում վնասվել է 40 ռուսական ինքնաթիռ, որոնցից 10-13-ը
ոչնչացվել են:
Նրա խոսքով՝ ոչնչացված ինքնաթիռներից մեկը
«պատասխանատու է ավելի քան 3000 թևավոր հրթիռների համար, որոնք պատերազմի սկզբից ի
վեր վնասել են Ուկրաինայի կարևորագույն ենթակառուցվածքների և քաղաքացիական օբյեկտները»:
Ուկրաինայի նախագահ Զելենսկին նշել է, որ փակ հրամանագրով պարգևատրել է Ուկրաինայի անվտանգության
ծառայության զինվորականներին, որոնք մասնակցություն են ունեցել «Սարդոստայն»
գործողությանը։
СБУ опубликовала новое видео ударов по российской авиации pic.twitter.com/patVeozuGb
— seymur bakshev (@seymur_bakshev) June 4, 2025