Հոգևոր կյանքին հաղորդակցությունը նույնպես պետական բյուջեի ծախսային տող է, որովհետև այսօր մեր պատմամշակութային բազմաթիվ հուշարձաններ, որոնք նաև հոգևոր կյանքի անբաժանելի մաս են, պատկանում են պետությանը։ Այսինքն՝ դրանք պետության սեփականությունն են և գտնվում են պետության հոգածության ներքո, ԱԺ-ում այսօր հայտարարեց վարչապետ Նիկոլ Փաշինյանը։
«Այդ թվում ենթակառուցվածքներ պետք է լինեն, որպեսզի մարդիկ կարողանան հաղորդակցվել այդ հոգևոր արժեքների հետ, բայց նաև կառավարությունը պետք է խստիվ վերահսկողություն սահմանի, որպեսզի, ինչպես արդեն առիթ ունեցել եմ ասելու, ոմանք այդ պատմամշակութային հուշարձանները չուլան չդարձնեն։ Որովհետև, էլի եմ ասում, դա վիրավորում է մարդկանց հոգևոր զգացումները»,- ասաց Փաշինյանը։