Ուրանի հարստացումն Իրանին թույլ կտա պահպանել անկախությունը. Խամենեի

Ուրանի հարստացումից հրաժարվելը Իրանի միջուկային արդյունաբերությունը կդարձնի անօգուտ եւ իսլամական հանրապետությունը կախված կլինի այլ երկրներից, հայտարարել է Իրանի գերագույն առաջնորդ Ալի Խամենեին։
«Միջուկային արդյունաբերությունն անօգուտ է առանց ուրանի հարստացման հնարավորության, քանի որ այդ դեպքում մենք ստիպված կլինենք ձեռք մեկնել ատոմակայանների կառուցման համար։ Սա համեմատելի է նավթ ունենալուն, բայց այն ձեր տարածքում ​​վերամշակելու հնարավորություն չունենալուն։ Նավթ ունեք, բայց ստիպված եք բենզին գնել ուրիշներից»,- ասել է պետության ղեկավարը։