Մոնղոլիայի Պետական Մեծ Խուրալը (Խորհրդարանը) գաղտնի քվեարկությունից հետո որոշում է ընդունել երկրի վարչապետ Լուվսաննամսրայն Օյուն-Էրդենեի հրաժարականի մասին, որը կշարունակի կատարել իր պարտականությունները մինչև կառավարության նոր ղեկավարի նշանակումը։
Այս մասին հայտնել է խորհրդարանի մամուլի ծառայությունը։
«Մոնղոլիայի խորհրդարանի նստաշրջանի կանոնակարգի մասին օրենքի համաձայն՝ պատգամավորների մեծամասնությունը, այսինքն՝ 64 մարդ, պետք է քվեարկեր վարչապետի վստահության օգտին։ Քանի որ վստահության քվեարկությունը գաղտնի քվեարկությամբ չի հաստատվել խորհրդարանականների մեծամասնության կողմից, ընդունվել է որոշում՝ քննարկելու կառավարության ղեկավարի հրաժարականի հարցը», – հայտնել է խորհրդարանական մամուլի կենտրոնը։
Օրենքի համաձայն՝ Մոնղոլիայի կառավարության նոր ղեկավարը պետք է նշանակվի 30 օրվա ընթացքում։